Aktualitet

Vdekja e 80-vjeçares nga asfiskia, E bija në lot: S'di ç'ka ndodhur, e lashë në rregull shtëpinë

Policia e Shtetit bën me dije se ngjarja ka ndodhur në rrugën “Celo Sinani” në Tiranë ndërkohë që e moshuara dyshohet se ka ndërruar jetë si pasojë e asfiksisë.

22 Shtator 2022, 09:38 Nga k.m.
Vdekja e 80-vjeçares nga asfiskia, E bija në lot: S'di
Foto ilustruese

TIRANË- Një 80-vjeçare u gjet e vdekur nga asfiksia brenda banesës së saj që u përfshi nga flakët mëngjesin e sotëm. E moshuara, Violeta Muçi ishte vetëm në shtëpi, kur zjarri ra në banesë dhe për rrjedhojë ajo vdiq si pasojë e asfiksisë. Shkak i zjarrit dyshohet të ketë qenë një shkëndijë elektrike, por megjithatë hetimet vazhdojnë për të dalë me një version përfundimtar.

"Më datë 22.09.2022, në rrugën "Celo Sinani", ka rënë zjarr në banesën e shtetasit M. L. Si pasojë e përhapjes së flakëve, ka ndërruar jetë për shkak të asfiksisë shtetasja V. M., 80 vjeçe. Grupi hetimor po punon për sqarimin e rrethanave të ngjarjes,"-bëri me dije Policia.

E bija me lot në sy tregon se edhe sot u largua si çdo mëngjes për në punë, bashkë me bashkëshortin dhe fëmijët. Por kur erdhi në shtëpi, e ëma kishte ndërruar jetë. Po ashtu, ajo tregon se pak muaj më parë kishte humbur edhe të atit.

"Kush do më ndihmojë mua o zot? Mua babai më ka vdekur. Unë 8 muaj kam që futa babanë në dhe. Nuk di ç'ka ndodhur, se ne të katër ikëm në punë. Nuk e di nga ka ardhur zjarri. Nuk di ç'të them më shumë. Nuk besoj ta ketë bërë vetë. Dyshohet shkëndijë tek soba e kuzhinës që kemi brenda. Është djegur gjithçka. Vetëm dhoma e mamit ka shpëtuar. Iu lutëm kush mundet të më ndihmojë. Nuk kam ku të fus kokën,”-tha ajo para kamerave.

Ndërsa dhëndri i 70-vjeçares, Bledar Lekaj tregon se kanë qenë fqinjët ata që i kanë njoftuar për zjarrin, e më pas kanë njoftuar edhe zjarrfikëset.

policia e shtetit tirane

Sondazh

Poll

MË SHUMË