Bota

Kreu i EMA-s: Me vjeshtën do të vij dhe një valë e re infektimesh të Covid

Kreu i strategjisë së vaksinave të agjencisë së BE-së, Marco Cavaleri tha se me afrimin e vjeshtës ne duhet të përgatitemi për një valë të re infeksionesh.

20 Shtator 2022, 22:03 Nga I.A

Kreu i EMA-s: Me vjeshtën do të vij dhe një valë e re

Marco Cavaleri

HOLANDË- Mbikëqyrësi i barnave në Evropë tha se rastet e Covid-19 dhe shkalla e vdekjeve po binte, por paralajmëroi se pandemia është ende në vazhdim, pasi u kërkoi vendeve të hapin programe përforcuese përpara dimrit. Reuters shkruan se të dhënat e mbledhura gjatë javëve të fundit treguan se ka pasur një rënie në numrin e përgjithshëm të rasteve dhe vdekjeve të shkaktuara nga Covid-19 në Evropë. Kreu i strategjisë së vaksinave të agjencisë së BE-së, Marco Cavaleri tha se me afrimin e vjeshtës ne duhet të përgatitemi për një valë të re infeksionesh.

"Megjithatë, ndërsa vjeshta po afron, ne duhet të përgatitemi për një valë të re infeksionesh në përputhje me trendin e shfaqur nga virusi në dy vitet e fundit," tha Cavaleri.

EMA me bazë në Amsterdam megjithatë tha se ende e konsideronte pandeminë si të vazhdueshme në kontinent.

"Ajo që është e qartë për mua dhe ajo që duhet të jetë shumë e qartë nga prezantimi i Dr Cavaleri është se ne në Evropë ende e konsiderojmë pandeminë si të vazhdueshme. Është e rëndësishme që shtetet anëtare të përgatisin përhapjen e vaksinave dhe veçanërisht vaksinat adaptive për të parandaluar përhapjen e mëtejshme të kësaj sëmundjeje në Evropë”, tha shefi i saj mjekësor Steffen Thirstrup.

EMA miratoi javën e kaluar vaksinën e parë, një version adaptiv i Pfizer/BioNTech's Comirnaty, për të synuar në mënyrë specifike llojet shumë infektive BA.4 dhe BA.5 të variantit Omicron të koronavirusit.

marco cavaleri ema