Art&Argëtim

"I rrezikshëm, gjuante objekte mbi njerëz", Aktori Michael Pitt arrestohet dhe shtrohet në spital psikiatrik

Aktori i njohur Michael Pitt ka tërhequr vëmendjen e autoriteteve, me incidentin e tij të fundit edhe duke e çuar atë në arrestimin e tij dhe më pas në një spital psikiatrik. Kjo ka ndpdjur për shkak se po gjuante objekte mbi njerëzit, nga çatia e një ndërtese.

16 Shtator 2022, 21:10 Nga s.s
"I rrezikshëm, gjuante objekte mbi njerëz", Aktori Michael
Michael Pitt

SHBA- Aktori i njohur Michael Pitt ka tërhequr vëmendjen e autoriteteve, me incidentin e tij të fundit edhe duke e çuar atë në arrestimin e tij dhe më pas në një spital psikiatrik.

Aktori i "Boardwalk Empire" u arrestua të premten e kaluar në Nju Jork dhe u transferua menjëherë në një klinikë psikiatrike. Orët e fundit, një video e TMZ ka bërë xhiron e internetit, ku shihet 41-vjeçari i lidhur dhe i palëvizur në një barelë me oficerët e policisë që e çojnë në një ambulancë në pritje të rrugës. 

Sjellja e Pitt është “shqetësuese”, sipas mediave të huaja. Protagonisti i "Ëndërrimtarëve" në fillim shikon i hutuar policët, sikur nuk e ka kuptuar se çfarë po ndodh me të. Brenda pak sekondash, ai kthen kokën anash dhe shtrihet i qetë në barrelë. Sipas një raporti të TMZ, dikush telefonoi 911 për të raportuar se një burrë (Pete) po gjuante objekte mbi njerëzit, ndoshta nga çatia e një ndërtese, raporton protothema.gr.

Oficerët iu përgjigjën shpejt incidentit dhe Pitt u arrestua, por nuk u akuzua për një krim për shkak të çrregullimit mendor. Ai u transferua menjëherë në një nga spitalet më të afërta, konkretisht në repartin psikiatrik, pasi u cilësua si “i rrezikshëm dhe i shqetësuar”.

Në korrik, ish-sharmeri i viteve 00 pati më shumë probleme me ligjin dhe madje në të njëjtën zonë, pasi u arrestua për sulm dhe vjedhje të vogla. Pitt dyshohet se ia kapi celularin një burri nga dora pasi e goditi vazhdimisht me grusht në kokë. Në Nju Jork, ata që cilësohen si me të meta mendore arrestimi i tyre mund të zgjasë vetëm për 72 orë, përveç nëse spitali i kërkon një gjykatësi ta mbajë pacientin edhe për 60 ditë të tjera. Askush nuk e di për momentin se si është gjendja aktuale e aktorit dhe as çfarë parashikohet për rastin e tij.

shba michael pitt aktor nju jork

Sondazh

Poll

MË SHUMË