Bota

Qeveria holandeze 150 milion euro për të mbuluar faturat e energjisë për qytetarët që nuk kanë mundësi të paguajnë

Qeveria do të krijojë një fond për të paguar faturat e qytetarëve që u detyruan të ndryshojnë kontrata këtë vit, duke nënshkruar një më të shtrenjtë dhe që mund të dëshmojnë se nuk janë në gjendje të paguajnë faturat.

12 Shtator 2022, 20:03 Nga e.k
Qeveria holandeze 150 milion euro për të mbuluar faturat e
Foto ilustruese

HOLLANDË- Të paktën 150 milion euro do të ndajë qeveria holandeze për konsumatorët, të cilët nuk do të mund të jenë në gjendje të paguajnë faturat e rritura të energjisë. Kështu u shpreh sot transmetuesi holandez RTL duke iu referuar burimeve qeveritare.

Qeveria do të krijojë një fond për të paguar faturat e qytetarëve që u detyruan të ndryshojnë kontrata këtë vit, duke nënshkruar një më të shtrenjtë dhe që mund të dëshmojnë se nuk janë në gjendje të paguajnë faturat.

Fondi do të financohet pjesërisht nga ofruesit e energjisë, pasi do t’i mbrojë ata nga falimentimi në rast se klientët e tyre nuk paguajnë faturat ndërkohë që detajet e planit pritet të shpallen të premten.

Partitë opozitare kanë kritikuar vazhdimisht kryeministrin Mark Rutte se nuk ka bërë mjaftueshëm për të mbështetur qytetarët që luftojnë për të paguar faturat e tyre të energjisë.

Javën e kaluar media holandeze raportoi se qeveria do të njoftojë se do të sigurojë rreth 16 miliardë euro në vitin 2023 në një përpjekje për të ndihmuar konsumatorët të përballen me rritjen e çmimeve të ushqimit dhe energjisë. Por Rutte nuk pranoi të hyjë në detaje rreth planit, i cili do të shpallet më 20 shtator së bashku me buxhetin e qeverisë.

hollande

Sondazh

Poll

MË SHUMË