Bota

VIDEO/ Me pishtarë e parrulla në duar, Forcat e Armatosura protesojnë në Greqi: Duam rritje rroge

Protothema shkruan se rreth 1000 punëtorë që marrin pjesë në marshim pritet të lëvizin nëpër rrugët kryesore të Selanikut dhe të përfundojnë në YMATH.

9 Shtator 2022, 20:54 Nga I.A
VIDEO/ Me pishtarë e parrulla në duar, Forcat e Armatosura
Pamje nga protesta

GREQI- Me fishkëllima, bori, pishtarë dhe parulla nisi nga Kulla e Bardhë, marshimi i gjatë i uniformave të Forcave të Sigurisë dhe Forcave të Armatosura, të cilët kanë një sërë kërkesash financiare. Protothema shkruan se rreth 1000 punëtorë që marrin pjesë në marshim pritet të lëvizin nëpër rrugët kryesore të Selanikut dhe të përfundojnë në YMATH.

“Burrat me uniformë nuk kërkojnë kurrë, kërkojnë vetëm dinjitet ”, është një nga parullat që ata mbajnw nw duar, ndërsa ndër ato që kërkojnë janë paga më të mira, pagesa pwr punwn jashtë orarit dhe zbatimi i dëmshpërblimit për punën e natës. Protesta e sonte është ajo që hap vallen e mobilizimeve për TIF të këtij viti.

Sekretari i Përgjithshëm i Federatës së Zjarrfikësve, Nikos Lavranos tha se tubimi i sotëm masiv dërgon një mesazh në të gjitha drejtimet. 

“Duhet të ndalet tallja politike dhe përfundimisht t’i jepet fund punës pa pagesë. Nuk kemi më durim, haraçi ka mbaruar. Jemi ngopur me premtime. Jemi ngopur me premtime dhe angazhime komunikimi për ndihmë financiare, të cilat harrohen brenda pak orësh nga ata që i shprehin”, thekson ndër të tjera në një deklaratë Sindikata e Punonjësve të Policisë të Selanikut.

Siç theksojnë ata, në dekadën e fundit, në çdo çështje sociale apo kombëtare, Policia është në vijën e parë të betejës, e ngarkuar me objekte të shumta përtej misionit dhe rolit të saj.

Vihet re se protesta, e cila tradicionalisht hap “vallen” e mobilizimeve në TIF, duhej të zhvillohej dy vite më parë për shkak të kufizimeve të pandemisë. Në të marrin pjesë qindra punonjës të Forcave të Sigurisë dhe Forcave të Armatosura nga rajone të ndryshme të vendit dhe natyrisht nga Selaniku.

proteste ne greqi

Sondazh

Poll

MË SHUMË