Bota

Lufta Ukrainë-Rusi/ Ngjarjet në 24 orët e fundit, Putin: Do ndaloj dërgesat e energjisë në Evropë, nëse Brukseli kufizon çmimin e gazit rus

Presidenti rus Vladimir Putin kërcënoi se do të ndalojë të gjitha dërgesat e energjisë në Evropë, nëse Brukseli vazhdon me një propozim për të kufizuar çmimin e gazit rus, në një fjalim luftarak duke deklaruar se Rusia nuk do ta humbiste luftën në Ukrainë. 

8 Shtator 2022, 09:07 Nga s.s
Lufta Ukrainë-Rusi/ Ngjarjet në 24 orët e fundit, Putin: Do
Rusi-Ukrainë

UKRAINË- Presidenti rus Vladimir Putin kërcënoi se do të ndalojë të gjitha dërgesat e energjisë në Evropë, nëse Brukseli vazhdon me një propozim për të kufizuar çmimin e gazit rus, në një fjalim luftarak duke deklaruar se Rusia nuk do ta humbiste luftën në Ukrainë. Ministrat e energjisë të BE-së do të mbajnë një takim urgjent të premten për të diskutuar mbi kufirin e propozuar të çmimit.

Lufta- 1- Presidenti ukrainas Volodymyr Zelensky raportoi "lajm të mirë" nga fronti afër Kharkiv në lindje, duke thënë se disa vendbanime ishin rimarrë pasi të dyja palët raportuan për luftime të rënda në rajon.

2- Një shpërthim në një termocentral pranë Odesës në jug ndërpreu furnizimin me energji elektrike për 360 mijë njerëz, tha një zëdhënës i administratës rajonale, raoprton Reuters.

3- Forcat ruse gjatë natës qëlluan me raketa dhe artileri të rëndë në qytete në disa rrethe, duke vrarë shtatë civilë, duke plagosur të tjerë dhe duke dëmtuar më shumë se një duzinë shtëpi dhe ndërtesa, thanë autoritetet lokale ukrainase të enjten.

4- Putin tha në një fjalim luftarak të mërkurën në një forum ekonomik në Lindjen e Largët të Rusisë se Rusia nuk do të humbasë atë që ai e quan "operacionin e saj special ushtarak" në Ukrainë.

5- Shtetet e Bashkuara akuzuan Moskën për krime lufte duke arrestuar, marrë në pyetje dhe deportuar në mënyrë të paligjshme deri në 1.6 milionë ukrainas, duke përfshirë 1,800 fëmijë.

6- Putin tha se Rusia dhe bota në zhvillim ishin "mashtruar" nga një marrëveshje e eksportit të grurit ukrainas të ndërmjetësuar nga OKB pasi gruri nuk do të shkonte në vendet më të varfra të botës dhe ai donte të diskutonte ndryshimin e marrëveshjes.

7- Ukraina thotë se rreth 2.37 milion ton ushqim janë larguar tashmë nga portet e saj të Detit të Zi, duke përfshirë 1.04 milion ton për vendet aziatike dhe 470 mijë ton për shtetet afrikane.

8- Rreth 280 mijë ton produkte bujqësore do të eksportohen në të ardhmen e afërt nga portet ukrainase në kuadër të programit global për të luftuar urinë, tha ministria e infrastrukturës ukrainase të mërkurën vonë.

 

lufta ukraine-rusi ukraine rusi

Sondazh

Poll

MË SHUMË