Bota

Djegia e spitalit modular në Tetovë, anulohet seanca ndaj të akuzuarve

Ata akuzohen për veprat penale: “nxitje e rrezikimit të përgjithshëm” dhe “mosveprim sipas rekomandimeve shëndetësore në kohë epidemie”.

6 Shtator 2022, 13:48 Nga d.a.
Djegia e spitalit modular në Tetovë, anulohet seanca ndaj të
Spitali modular

MAQEDONIA E VERIUT- Seanca për rastin e djegies së spitalit modular në Tetovë është anuluar për më 14 tetor pasi në seancë u paraqit vetëm Florim Besimi, ndërsa nuk u paraqitën edhe dy të akuzuarit tjerë Artan Etemi dhe Boban Vuçevski.

Ata akuzohen për veprat penale: “nxitje e rrezikimit të përgjithshëm” dhe “mosveprim sipas rekomandimeve shëndetësore në kohë epidemie”.

Për këto vepra, sipas ligjeve në Maqedoninë e Veriut, personat e dyshuar, nëse shpallen fajtorë, mund të dënohen deri në 5 vjet burgim.

Zjarri në spitalin ku trajtoheshin pacientë me sëmundjen COVID-19, ka shkaktuar vdekjen e 14 personave. Në mesin e viktimave ka pasur pacientë të infektuar dhe familjarë që kujdeseshin për ta. Ngjarja ka ndodhur më 8 shtator të vitit 2021.

spitali modular i tetoves zjarr ne spitalin e tetoves florim besimi

Sondazh

Poll

MË SHUMË