Politike

Balla: Amnistia fiskale, objektivi ynë kryesor! I duhet vendit, në Shqipëri ka plot para të padeklaruara

Balla u shpreh se ky ligj i duhet vendit dhe ka në fokus vetëm ligjësinë. Ai hodhi poshtë akuzat e bëra nga opozita por dhe kritikat nga faktori ndërkombëtar se me këtë ligj mazhoranca socialiste kërkon të legealizojë paratë e pista.

5 Shtator 2022, 18:55 Nga e.k
Balla: Amnistia fiskale, objektivi ynë kryesor! I duhet vendit, në
Taulant Balla

TIRANË- Gjatë fjalës së mbajtur në Kuvend në nisje të sesionit të ri parlamentar, kreu i Grupit Parlamentar të PS-së u ndal dhe njëherë tek çështja e ligjit për amnistinë fiskale. Balla tha se në Shqipëri ka shumë para të padeklaruara dhe të parregjistruara. Ligji ndan se kush subjekte përfitojnë dhe kush përjashtohen.

Balla u shpreh se ky ligj i duhet vendit dhe ka në fokus vetëm ligjësinë. Ai hodhi poshtë akuzat e bëra nga opozita por dhe kritikat nga faktori ndërkombëtar se me këtë ligj mazhoranca socialiste kërkon të legealizojë paratë e pista.

Taulant Balla: Ne do ta sjellim ligjin për Amnistinë Fiskale, jemi të bindur që është një domosdoshmëri në këtë kontekst të ri ekonomik të vendit dhe për të gjithë ata që kanë spekuluar për nismën, që sipas jush i hapka rrugën legalizimit të parave të krimit. Ne themi se është ligji që propozojmë garanti për ligjësimin e parave të padeklaruara dhe paregjistruara. Ne dimë të gjithë që në Shqipëri ka plot para të padeklaruara. Ligji e ndan qartësisht se cila do jenë subjekte përfituese dhe cila subjekte përjashtohen nga skema e amnistisë. Nuk ka amnisti të plotë, por vetëm për një pjesë. Unë e ftoj opozitën që të bëhet pjesë e diskutimit kur qeveria ta sjellë, në të mirë të ekonomisë së vendit dhe të një lufte edhe më të ashpër, kundër trafikimit, terrorizmit dhe pastrimit të parave.

taulant balla

Sondazh

Poll

MË SHUMË