Bota

Macron e Scholz i dërgojnë letër të përbashkët Vuçiç: Merrni vendime të vështira në dialogun Kosovë-Serbi

Kosovo Online shkruan se në këtë letër, Macron e Scholz i kanë kërkuar Vuçiç të jetë në gatishmëri për të marrë vendime të vështira në lidhje me dialogun Kosovë-Serbi.

4 Shtator 2022, 13:48 Nga I.A
Macron e Scholz i dërgojnë letër të përbashkët
Emmanuel Macron dhe Olaf Scholz

SERBI- Presidenti i Serbisë, Aleksandar Vuçiç, ka marrë një letër nga presidenti francez, Emmanuel Macron dhe kancelari gjerman, Olaf Scholz. Kosovo Online shkruan se në këtë letër, Macron e Scholz i kanë kërkuar Vuçiç të jetë në gatishmëri për të marrë vendime të vështira në lidhje me dialogun Kosovë-Serbi.

“Ne po ju dërgojmë këtë letër të përbashkët në një moment me rëndësi vendimtare për sigurinë në kontinentin evropian dhe stabilitetin në rajonin e Ballkanit Perëndimor. Ne jemi të bindur se, në dritën e agresionit rus kundër Ukrainës, duhet të bëjmë përpjekje edhe më të forta në mënyrë që perspektiva evropiane e vendeve të Ballkanit Perëndimor të bëhet realitet dhe të zgjidhen mosmarrëveshjet e gjata dypalëshe dhe rajonale”, shkruhet në letër.

Ata kanë thënë se normalizimi i plotë i marrëdhënieve Kosovë-Serbi, është thelbësor për Ballkanin Perëndimor.

“Ju drejtohemi juve si lider i vendit tuaj, për t’ju apeluar që të tregoni vendosmëri dhe gatishmëri maksimale për të marrë vendime të vështira, të cilat çojnë në përparim në dialogun ndërmjet Kosovës dhe Serbisë, me ndërmjetësimin e BE-së. Tensionet e fundit kanë treguar se hapa konstruktivë përpara janë të nevojshëm urgjentisht, si në planin praktik dhe politik”, shkruhet në letër.

aleksandar vuçiç emmanuel macron olaf scholz

Sondazh

Poll

MË SHUMË