Bota

Pezullimi i marrëveshjes për viza, Rusia paralajmëron BE: Nuk do mbetet pa pasoja

CNN shkruan se Rusia të mërkurën paralajmëroi Bashkimin Evropian për pasojat që blloku lëviz për të pezulluar plotësisht marrëveshjen për lehtësimin e vizave midis BE-së dhe Rusisë.

31 Gusht 2022, 21:54 Nga I.A
Pezullimi i marrëveshjes për viza, Rusia paralajmëron BE: Nuk do
Pasaporta ruse

RUSI- Pasi BE pezulloi marrëveshjen për viza me Rusinë, një reagim ka ardhur nga Moska. CNN shkruan se Rusia të mërkurën paralajmëroi Bashkimin Evropian për pasojat që blloku lëviz për të pezulluar plotësisht marrëveshjen për lehtësimin e vizave midis BE-së dhe Rusisë.

“Shkelja, anashkalimi apo tërheqja e BE-së nga marrëveshja për lehtësimin e vizave me Rusinë nuk do të mbetet pa pasoja. Ne do të vendosim vetë nëse masat do të jenë simetrike, asimetrike apo diçka që BE-ja nuk e pret. Nëse Brukseli vendos të qëllojë veten në këmbë përsëri, atëherë është zgjedhja e tyre," , tha zëvendësministri i Jashtëm rus Alexander Grushko. 

Pas një takimi jozyrtar dyditor në Pragë, ministrat e jashtëm të BE-së arritën të mërkurën konsensus politik për të pezulluar plotësisht marrëveshjen për lehtësimin e vizave midis Bashkimit Evropian dhe Rusisë. Shefi i politikës së jashtme të BE-së Josep Borrell tha se vendimi do të reduktojë ndjeshëm numrin e vizave të reja të lëshuara nga vendet anëtare të BE duke qenë se procesi do të bëhet më i vështirë dhe do të zgjasë më shumë.  Vizat tashmë ishin të kufizuara për disa kategori shtetasish rusë. Borrell tha se ky nuk është një tekst ligjor, por vetëm një marrëveshje politike në këtë pikë. 

alexander grushko

Sondazh

Poll

MË SHUMË