Bota

Vdes papritur Camilo Guevara March, djali i liderit revolucionar kuban Che Guevara

Ai ishte i treti nga katër fëmijët e lindur nga Aleida March dhe Che Guevara, mjeku argjentinas i cili u bë një figurë legjendare duke luftuar përkrah Fidel Castros gjatë revolucionit të Kubës dhe që më vonë udhëhoqi grupe rebele në vende të tjera.uev

31 Gusht 2022, 10:25 Nga d.a.
Vdes papritur Camilo Guevara March, djali i liderit revolucionar kuban Che
Camilo Guevara March

SHBA- Camilo Guevara March, djali i liderit revolucionar Ernesto "Che" Guevara dhe drejtor i një qendre kushtuar studimit të tij, ka vdekur në moshën 60-vjeçare, thanë zyrtarët kubanë të martën.

Sipas Washington Post, ai vdiq gjatë një vizite në Karakas, Venezuelë, nga tromboza pulmonare që çoi në një atak në zemër. Ai ishte i treti nga katër fëmijët e lindur nga Aleida March dhe Che Guevara, mjeku argjentinas i cili u bë një figurë legjendare duke luftuar përkrah Fidel Castros gjatë revolucionit të Kubës dhe që më vonë udhëhoqi grupe rebele në vende të tjera.

Së bashku me nënën e tij, ai ishte drejtor i Qendrës së Studimeve Che Guevara në Havana, e cila strehon dokumente dhe sende të tjera që lidhen me udhëheqësin rebel.

Camilo Guevara March kishte një profil përgjithësisht të ulët publik, megjithëse ai ndonjëherë shfaqej në ngjarje për nder të babait të tij dhe kundërshtonte publikisht përdorimin e imazhit të Che Guevara në fushatat e marketingut.

“Me dhimbje të thellë, ne i themi lamtumirën Camilo-s, djalit të Che dhe promovuesit të ideve të tij”, shkroi presidenti Miguel Díaz-Canel në llogarinë e tij në Twitter.

Ai la një vajzë, Camila, produkt i martesës së tij me këngëtaren e ndjerë Suylén Milanés, vajza e këngëtarit Pablo Milanés.

camilo guevara march che guevara miguel diaz-canel

Sondazh

Poll

MË SHUMË