Bota

Masakra me 10 të vrarë, historiku i masakrave që ka njohur Mali i Zi, datojnë nga 1992

Në vitin 2006, natën e ndërrimit të viteve, Milan Zekoviç vrau një familje prej 5 anëtarësh në Zelenica, Herceg Novi.

13 Gusht 2022, 23:00 Nga F.M
Masakra me 10 të vrarë, historiku i masakrave që ka njohur Mali i
Mali i Zi

MALI I ZI- Vetëm një ditë pas krimit e masakrës me 10 të vrarë, Vijesti sjell një përmbledhje të ngjarjeve më të rënda që ka njohur Mali i Zi.

30 vjet më parë, më 3 qershor 1992, Kosta Damjanoviç, vetëm 22 vjeç ekzekutoi 9 persona në fshatin Pusonjski Do afër Pljevlja. Më pas, edhe vetë autori u vra.

Një vit më vonë, në Çokrije në komunën e Bjelopoljes, 14-vjeçari Momçilo Ceroviç vrau familjen e tij, prindërit, vëllanë, kushëririn dhe mbesën 3-vjeçare dhe më pas u vetëvra. 

Në vitin 1993, në Bijelo Polje, Novo Soshiç, 44 vjeç eliminoi katër anëtarë të familjes në shtëpinë e tij. Në mesin e të vrarëve ishin dy fëmijë të moshës 12 dhe 8 vjeç. I mbijetuari i vetëm ishte një djalë 11-vjeçar.

Në vitin 2001, një ndërtesë u shpërthye me lëndë plasëse dhe Srgjaan Stamenkoviç nga Nishi e pesë persona të tjerë mbetën të vrarë.

Në vitin 2006, natën e ndërrimit të viteve, Milan Zekoviç vrau një familje prej 5 anëtarësh në Zelenica, Herceg Novi.

Në vitin 2012, ish-polici Slavko Miloviç nga Andrijevica vrau tre persona në Rijeka Marseniç. Ai ekzekutoi vjehrrin, vjehrrën dhe kunatën. Më pas u vetëvra. 10 vite pas kësaj ngjarjeje të rëndë, Mali i Zi njohu një tjetër masakër. 34-vjeçari Vuk Boriloviç qëlloi 10 persona, duke u marrë jetën edhe dy fëmijëve. Ndërsa gjashtë të tjerë u plagosën. Boriloviç u vra nga një qytetar në zonë, Nenad Neno Kaluđeroviç, që për qytetarët e tjerë, tashmë është hero.

masaker me 10 te vrare ne malin e zi mali i zi

Sondazh

Poll

Bota 13 Gusht 2022, 19:17 F.M

Çfarë nuk i falin Salmanit

Salman Rushdie Si pothuajse të gjitha qeniet njerëzore, një shkrimtar është i brishtë. Edhe ata që duken të fuqish&...

MË SHUMË