Bota

I dyshuari i katërt 'ISIS Beatle' akuzohet për vepra terroriste në Britani

Aine Davis u arrestua në aeroportin Luton, Bedfordshire, pasi u deportua në Angli nga Turqia të mërkurën. 38-vjeçari akuzohet për posedim të armës së zjarrit për qëllime të lidhura me terrorizmin.

11 Gusht 2022, 12:19 Nga d.a.

I dyshuari i katërt 'ISIS Beatle' akuzohet për vepra

Aine Davis

BRITANI- Një burrë që supozohet të jetë anëtar i një celule terroriste të IS-it me nofkën The Beatles është akuzuar për vepra terrorizmi. Aine Davis, i cili mohon të jetë pjesë e grupit, është lënë në paraburgim nga policia dhe do të paraqitet në Gjykatën e Magjistraturës së Westminsterit më vonë.

Sipas BBC, Aine Davis u arrestua në aeroportin Luton, Bedfordshire, pasi u deportua në Angli nga Turqia të mërkurën. 38-vjeçari akuzohet për posedim të armës së zjarrit për qëllime të lidhura me terrorizmin. Ai u akuzua për vepra në kundërshtim me nenet 15, 17 dhe 57 të Aktit të Terrorizmit të vitit 2000 pas një hetimi nga Komanda Kundër Terrorizmit e Policisë Metropolitane.

CPS kishte autorizuar Policinë Metropolitane të akuzonte zotin Davis për vepra terrorizmi në vitin 2014. Ai ka kaluar më shumë se gjashtë vjet në një burg turk. Ai supozohet të jetë anëtari i katërt i bandës së IS që torturoi dhe vrau pengjet perëndimorë në Irak dhe Siri, të cilën ai e mohon.

Kreu i kësaj bande, Mohammed Emwazi, u vra në një sulm me dron amerikan shtatë vjet më parë. Dy të tjerë u kapën në Siri dhe u dërguan në SHBA, ku të dy janë dënuar për kryerjen e disa prej krimeve më të tmerrshme në historinë e fundit. Celula e terrorit mori nofkën The Beatles sipas grupit Liverpudlian, për shkak të theksit anglisht të anëtarëve.

aine davis anetar i isis mohammed emwazi