Bota

Kryetari i Listës Serbe, Rakiç: Vuçiç bëri thirrje për paqe në Kosovë

Petkoviç veprimet e kryeministrit të Kosovës Albin Kurti janë kërcënim i hapur për serbët në Kosovë dhe shtoi se me vendimin për shtyrjen e afatit për lëshimin e dokumentit hyrje-dalje, kërcënimi ndaj serbëve nuk përfundon.

1 Gusht 2022, 15:58 Nga d.a.
Kryetari i Listës Serbe, Rakiç: Vuçiç bëri
Goran Rakiç

SERBI- Drejtori i Zyrës për Kosovën, Petar Petkoviç dhe kryetari i Listës Serbe, Goran Rakiç, dolën në një konferencë të jashtëzakonshme për shtyp pas situatës në veri të Kosovës.

Sipas mediave vendase, Petkoviç veprimet e kryeministrit të Kosovës Albin Kurti janë kërcënim i hapur për serbët në Kosovë dhe shtoi se me vendimin për shtyrjen e afatit për lëshimin e dokumentit hyrje-dalje, kërcënimi ndaj serbëve nuk përfundon.

"Policia e Kosovës ka planifikuar të fluturojë në veri të Kosovës dhe Metohisë, me mjete luftarake, topa uji dhe pajisje për thyerjen e barrikadave, në mënyrë që populli serb të mos ketë lirinë e lëvizjes që garantohet me të gjitha aktet ligjore.  Agonia dyditore dhe kriza shumë e rëndë në të cilën na futi të gjithëve Aljbin Kurti dhe Prishtina tregon të gjitha dimensionet e militantizmit të atij njeriu që është në krye të qeverisë në Prishtinë, tregon se sa i rrezikshëm është ai"- tha Petkoviç.

Ai ka thënë se Serbia përmes një nisme diplomatike ka arritur të racionalizojë lëvizjet e paarsyeshme të Albin Kurtit.

"Vuçiç ka biseduar me disa përfaqësues të vendeve të Bashkimit Evropian, përfaqësues të Rusisë, ndërsa nesër është caktuar takimi me Sekretarin e Përgjithshëm të NATO-s"- tha Petkoviç.

Petkoviç akuzoi Kurtin se, siç tha ai, ka drejtuar gjithçka paraprakisht, duke shtuar se gjëja e parë që bie në sy është se të gjitha portalet në Kosovë filluan të publikojnë gënjeshtra dhe dezinformata, ndër të tjera, dhe se Ushtria serbe hyri në territorin e saj.

"Kurti vazhdoi të prezantojë të pavërteta si ajo se presidenti Vuçiç refuzoi bisedimet në Bruksel më 19 qershor, gjoja se “ne po përgatiteshim për atë që ndodhi dje”. A mund ta thotë një njeri normal këtë? Nëse dikush insiston për paqe dhe dialog, ai është Vuçiç" – tha Petkoviç.

Petkoviç ka theksuar se ende nuk është vendosur asgjë dhe se Kurti do të jetë edhe më i rrezikshëm.

“Ne po kërkojmë nga vendet e Kuintes që të ruajnë paqen”, tha Petkoviç.

Kryetari i Listës Serbe, Goran Rakiç, ka thënë se një tjetër natë pa gjumë është pas popullit serb dhe se nuk është e para.

Rakiç falënderoi të gjithë ata që ishin në barrikada sepse treguan se duan të qëndrojnë aty ku janë, si dhe përfaqësuesit e bashkësisë ndërkombëtare dhe KFOR-it. Ai po ashtu ka falënderuar popullin shqiptar për mirëkuptimin dhe ka kërkuar që të mos bien në dezinformatat nga Prishtina.

goran rakiç petar petkoviç tensione per reciprocitetin

Sondazh

Poll

MË SHUMË