Bota

Erdogan flet për Mitsotakis: Nuk duam të hyjmë në luftë me Greqinë, por ajo nuk i mban premtimet

Presidenti turk në deklaratat e tij pas namazit të xhumasë në Stamboll është pyetur për marrëdhëniet greko-turke dhe mundësinë e zbutjes së tensionit, pas deklaratave të Kyriakos Mitsotakis në favor të Turqisë për çështjen e terrorizmit.

1 Korrik 2022, 14:56 Nga d.a.
Erdogan flet për Mitsotakis: Nuk duam të hyjmë në luftë
Rexhep Taip Erdogan

TURQI- Një ditë pas Samitit të NATO-s në Madrid, Presidenti turk Rexhep Taip Erdogan tha se Turqia nuk dëshiron të hyjë në luftë me Greqinë, por do të vazhdojë t'i përgjigjet "shkeljeve" të hapësirës ajrore turke.

Presidenti turk në deklaratat e tij pas namazit të xhumasë në Stamboll është pyetur për marrëdhëniet greko-turke dhe mundësinë e zbutjes së tensionit, pas deklaratave të Kyriakos Mitsotakis në favor të Turqisë për çështjen e terrorizmit. Siç tha ai, nuk po mendon për ndonjë takim me kryeministrin grek, ndonëse sipas tij shumë liderë bën përpjekje për t'i "pajtuar" në Madrid.

“Ne nuk kemi dëshirë të hyjmë në luftë me Greqinë. Megjithatë, Greqia nuk i mban premtimet, ky është problemi ”, theksoi Erdogan.

Në të njëjtin kontekst ai akuzoi Greqinë për shkelje duke thënë se kanë fluturuar 147 herë në hapësirën ajrore turke pa leje dhe tha se Turqia do të përgjigjet në të njëjtën mënyrë.

"Nëse nuk e bën, çfarë do të thonë qytetarët e mi? Ku janë forcat tona të armatosura? Prandaj forcat tona të armatosura po bëjnë pjesën e tyre dhe nëse këto shkelje të hapësirës ajrore vazhdojnë, ne do të vazhdojmë të bëjmë atë që duhet. Këtu do të them se Mitsotakis na bëri drejtësi. Por shumë drejtues, nuk e di kush e nisi, bënë përpjekje të mëdha për të na pajtuar. Ne thamë se nuk po mendojmë për këtë tani. Jemi duke parë se çfarë do të sjellin kushtet në të ardhmen dhe do t'i vlerësojmë në përputhje me rrethanat” , tha ai.

Marrëdhëniet dypalëshe janë tensionuar kohët e fundit ku gjithçka nisi pas fjalimit të kryeministrit grek në Kongresin amerikan në lidhje me furnizimin me avion luftarak të Turqisë. Pas këtij fjalimi i ashpër ka qenë reagimi i presidentit turk Erdogan i cili tha se kurrë nuk do të ulej në bisedime me Mitsotakis. Ditë më vonë palët filluan disa replika në lidhje me ishujt e Egjeut ku turqit kërkuan çmilitarizimin e zonës ndërsa grekët pretenduan se kanë sovranitet të plotë.

rexhep taip erdogan tensionet greqi-turqi

Sondazh

Poll

MË SHUMË