Bota

Erdogan këmbëngul në retorikën e tij: Do të mbrojmë të drejtat tona në Egje dhe Mesdheun Lindor

Në fjalën e tij në kabinetin qeverisës ai theksoi se Turqia do të nisë operacione të reja për të plotësuar mangësitë e sigurisë në kufirin me Sirinë.

27 Qershor 2022, 19:34 Nga d.a

Erdogan këmbëngul në retorikën e tij: Do të

Rexhep Erdogan

TURQI- Presidenti turk Rexhep Taip Erdogan njoftoi operacione të reja ushtarake, përfundimin e punës në kufirin me Sirinë, si dhe mbrojtjen e interesave në Egje dhe Mesdheun Lindor. Deklaratat për përparimin turk bëhen para Samitit të NATO-s dhe bien ndesh me thirrjet e Perëndimit.

Në fjalën e tij në kabinetin qeverisës ai theksoi se Turqia do të nisë operacione të reja për të plotësuar mangësitë e sigurisë në kufirin me Sirinë.

"Ne do të fillojmë operacione të reja për të plotësuar mangësitë e korridorit të sigurisë që kemi krijuar në kufirin me Sirinë. Ne do të marrim të gjitha masat e nevojshme për të mbrojtur të drejtat tona në Mesdhe dhe Egje”, tha ai.

Erdogan theksoi se me katër gropat e saj dhe dy sizmografët e saj, Turqia është e vendosur të vazhdojë aktivitetet e saj në Detin e Zi dhe Mesdheun Lindor pa asnjë ndërprerje.

“Nesër do të shkojmë në Samitin e NATO-s në Spanjë dhe do të bëjmë gjithçka që është e nevojshme për të drejtat dhe interesat e vendit tonë”, tha presidenti turk.

Samiti do të vendosë për financimin e përbashkët për Aleancën, duke përfshirë një Fond të ri të Inovacionit të NATO-s prej 1 miliard € për investime në teknologjitë e reja me përdorim të dyfishtë.

presidenti turk rexhep tajip erdogan tensionet greqi-turqi