Bota

Sulm brenda klubit të homoseksualëve në Oslo, akuzohet për terrorizëm një 42-vjeçar

Të shtëna filluan në Londrën Pub, një vend i njohur për komunitetin LGBTQ+, dhe pranë klubit të xhazit ‘Herr Nilsen’ dhe një pijetoreje.

25 Qershor 2022, 13:05 Nga j.c
Sulm brenda klubit të homoseksualëve në Oslo, akuzohet për
Sulm ne Oslo

NORVEGJI- Një 42-vjeçar është arrestuar dhe akuzuar për vrasje, tentativë vrasjeje dhe akte terroriste pas të shtënave në qendër të kryeqytetit të Norvegjisë, Oslo. Në sulmin në orët e para të mëngjesit mbetën të vdekur dy persona dhe 21 të plagosur.

Sipas BBC, të shtëna filluan në Londrën Pub, një vend i njohur për komunitetin LGBTQ+, dhe pranë klubit të xhazit ‘Herr Nilsen’ dhe një pijetoreje. Parada vjetore e Krenarisë në Oslo do të mbahej të shtunën, por është anuluar pas vendimit të policisë.

"Ne së shpejti do të jemi përsëri krenarë dhe të dukshëm, por sot, ne do të ndajmë festimet tona të Krenarisë nga shtëpia,"- thuhet në një deklaratë nga Oslo Pride.

Sipas policise ky mund të jetë një sulm terrorist kundër komunitetit LGBTQ+ gjithashtu edhe kryeministri norvegjez Jonas Gahr Stoere e quajti atë një sulm të tmerrshëm.

“Ka arsye për të menduar se ky mund të jetë një krim urrejtjeje,"- tha policia në një konferencë shtypi.

sulm ne oslo norvegji sulm terrorist ne norvegji

Sondazh

Poll

MË SHUMË