Aktualitet

Nipi pastronte paratë e bossave të drogës, reagon avokati i Alqi Bllakos: S'ka lidhje gjaku me të, gënjeshtër

Në reagimin e tij, avokati Hazizaj shkruanse Bllaqo nuk ka asnjë lidhje gjaku me reperin, madje dhe as nuk e njeh.

21 Qershor 2022, 21:47 Nga k.m.
Nipi pastronte paratë e bossave të drogës, reagon avokati i Alqi
Sokol Hazizaj

TIRANË- Avokati i Alqi Bllakos, Sokol Hazizaj, ka reaguar pas lajmit të publikuar sot në median britanike “Ventsmagazine”, ku theksohej se nipi i ish-deputetit ka pastruar para për kriminelë. Në reagimin e tij, avokati Hazizaj shkruanse Bllaqo nuk ka asnjë lidhje gjaku me reperin, madje dhe as nuk e njeh. Ndërsa shton se kanë verifikuar se lajmi ka burim një media të huaj dhe se do të kontaktojnë një me studio ligjore angleze për të çuar në gjyq median “Ventsmagazine”

Reagimi i Sokol Hazizajt:

Përgënjeshtrim

Lajmet e sotme që lidhin klientin tim Alqi Bllako me një shtetas të quajtur Gio Basha janë të pavërteta. Zoti Alqi Bllako nuk ka asnjë lidhje gjaku apo njohje me këtë person. Në vitin 2011 Alqi Bllako ishte student në master, duke u diplomuar me një tjetër medalje të artë për rezultate të shkëlqyera.

E vërteta nuk mund të mbulohet me sajesa të tilla sa të shëmtuara, aq edhe qesharake. Shpreh keqardhje të thellë që mediat, të cilat kanë publikuar lajmin e sajuar nga asgjëja, bëhen pjesë e skemës kundër klientit tim, duke mos respektuar asnjë standard minimal për verifikimin e vërtetësisë së lajmit.

Si përfaqësues ligjor i zotit Bllako, ju informoj se nga hulumtimet tona media burim është një media e huaj, dhe po konsiderojmë të lidhemi me studiot e huaja avokatore, për të ndjekur hapat e duhur, jo vetëm për përgënjeshtrimin e lajmit, por edhe proçedurat e mëtejshme ligjore. Me respekt, Sokol Hazizaj

Sipas medias së huaj, në vitin 2011, Basha po hetohej nga FBI për pastrim parash me dajën e tij, politikanin shqiptar Alqi Bllako. Duket se imuniteti diplomatik luajti një rol në rrëzimin e këtij hetimi, megjithatë llogaritë bankare të Bashës u bllokuan dhe pasuritë e tij u sekuestruan. Në vitin 2021, Basha thuhet se fitoi mbi 15 milionë dollarë në industrinë private të artit, por ai u vu sërish nën hetim për pastrim parash dhe këtë herë firma e Bashës u gjobit me 3 milionë dollarë nga SEC për dështimin në zbatimin e politikave dhe procedurave të pajtueshmërisë për keqpërdorimin e materialeve dhe informacionit jopublik. Sipas një raporti të ICC-së, dyshohej se Basha u shiste vepra arti vetëm mafiozëve të pasur shqiptarë dhe trafikantëve ndërkombëtarë të drogës.

 

sokol hazizaj gio basha

Sondazh

Poll

MË SHUMË