Aktualitet

4040 karta SIM nga Anglia në Rinas/ Do përdoreshin nga grupet kriminale, nisin hetimet

Policia e Shtetit ka nisur hetimet e përbashkëta ne britanikët për rrjetin e trafikut të kartave SIM. Ka dyshime të forta se kartat do të përdoreshin nga grupet kriminale që veprojnë në territorin tonë. 

14 Qershor 2022, 08:24 Nga A.B
4040 karta SIM nga Anglia në Rinas/ Do përdoreshin nga grupet
Karta

TIRANË- 4040 karta SIM të kompanisë "Life needs a big netëork" ose njohur ndryshe '3', janë sekuestruar nga autoritetet shqiptare në Rinas. Kartat janë blerë në Angli pak ditë më parë dhe janë sjellur në Shqipëri me postë urgjente. Ndërsa adresa ishte tek zona e njohur si "Blloku i Vilave" në Tiranë. Policia e Shtetit ka nisur hetimet e përbashkëta me britanikët për rrjetin e trafikut të kartave SIM. Ka dyshime të forta se kartat do të përdoreshin nga grupet kriminale që veprojnë në territorin tonë, për të mos u gjurmuar dhe për të mos lënë shenja në rrjetet telefonike shqiptare. 

Kartat u zbuluan pas gjurmës në skanim, e më pas u bë kqyrja e pakove dhe kontrolli nga policia e Rinasit, ndërsa po ashtu është identifikuar dhe emri i personit që do i priste, në emër të të cilit ishte bërë dërgesa. Shqiptari në emër të të cilit ishin porositur kartat, që deri më tani është identifikuar vetëm si M.Hasa, ka mohuar që të ketë dijeni për kartat që kanë ardhur në emër të tij. Megjithatë është vënë nën hetim nga Policia dhe po hetohet për veprat penale: “Mashtrimi kompjuterik” dhe “Shitja e paautorizuar e kartave SIM”.

Kartat janë aktive me PIN dhe PUK, çka ka bërë që policia të vihet në lëvizje pasi duke u shitur në treg të zi, mund të përdoren për shpërthim të bombave celular, shantazheve, mesazheve në aplikacionet e koduara e thirrjeve nëpërmjet data use. Rasti më i fundit ishte ai i Aleksandër Sadikajt, i cili u vra të shtunën nga një minë me telekomandë që i ishte vendosur në makinë. E dyshohet se tritoli është aktivizuar nga një telefonatë. 

 

sekuestrohen karta sim ne rinas rinas angli

Sondazh

Poll

MË SHUMË