Politike

Vuçiç doli nga…frigoriferi! Rama s'rri dot pa e kopjuar: Po iu mori malli për mua...

12 Qershor 2022, 11:52 Nga k.m.
Vuçiç doli nga…frigoriferi! Rama s'rri dot pa e
Edi Rama dhe Aleksandër Vuçiç

TIRANË- Janë inauguruar sot ambientet e Komitetit Olimpik në Shqipëri, ku i pranishëm ishte presidenti i komitetit olimpik ndërkombëtar Thomas Bach dhe kryeministri Edi Rama. Ky i fundit, nuk kaloi pa bërë një fjalim të shkurtër, gjatë të cilit nuk munguan as batutat.

“Është një ditë e bukur, mbasdite do jenë dy finalet e para mes shkollave në volejboll mes meshkujve dhe femrave. Në bashkëpunim me komitetin olimpik shqiptar, qeveria do mbështesë në vijimësi rritjen e kësaj lëvizje, krijimin e kampionateve në nivel bashkie, qarku e kombëtar. Si edhe fuqizimi dhe shtrirjen në mënyrë të vazhdueshme të rrjeteve sportive në gjithë territorin. Nuk dua të zgjatem më shumë, është qartë që keni ardhur për t'u argëtuar. Po ju mori malli për mua hapni frigoriferin sot mbasdite dhe më keni edhe në frigorifer po deshët,”- tha Rama.

Po ku e kemi dëgjuar më parë frigoriferin?

Më 1 prill të këtij viti, presidenti i Serbisë, Aleksandër Vuçiç në kuadër të fushatës zgjedhore në Serbi, zgjodhi një mënyrë të pazakontë për të hyrë në një studio televizive. Teksa pritej për një intervistë në kanalin “Pink TV”, Vuçiç ka dalë nga një…frigorifer.

Mesa duket Rama e ka parë këtë skenë, ndaj në pamundësi për ta rikrijuar, ka vendosur që ta sjellë në mënyrë tjetër. Tek e fundit presidentin e ka mikun e tij, e nuk do të ketë hatërmbetje mes tyre për këtë gjë. 

edi rama aleksander vucic

Sondazh

Poll

MË SHUMË