Bota

Zëvëndëspresidentja e Ukrainës: Rusia ka burgosur 600 gazetarë dhe aktivistë

Tasheva tha se ka rreth 600 njerëz në rajon që janë në të vërtetë pengje dhe po mbahen në bodrume të pajisura posaçërisht, në fakt burgje.

7 Qershor 2022, 19:26 Nga DOSJA
Zëvëndëspresidentja e Ukrainës: Rusia ka burgosur 600
Lufta ne Ukraine

UKRAINË- Rreth 300 civilë ukrainas, kryesisht gazetarë dhe aktivistë publikë, po mbahen në burgjet e improvizuara në Kherson dhe 300 të tjerë në vendbanime të tjera të pushtuara në rajonin e Khersonit, sipas të dërguarës së presidentit ukrainas për Krimenë, Tamila Tasheva.

Tasheva tha se ka rreth 600 njerëz në rajon që janë në të vërtetë pengje dhe po mbahen në bodrume të pajisura posaçërisht, në fakt burgje.

"Ata mbahen në kushte çnjerëzore dhe torturohen. Dëshmitarët raportojnë klithma që mund të dëgjoheshin nga vendet ku qytetarët tanë u nënshtroheshin veprimeve të tilla të paligjshme," tha ajo në një konferencë shtypi.

Ajo tha se disa civilë po zhvendosen nga rajoni Kherson në Krime dhe po mbahen si "pengje civilë dhe robër lufte".

"Disa njerëz që u larguan nga Mariupoli u ndaluan gjatë filtrimit në kufirin administrativ me Krimenë dhe u dërguan në qendrën e paraburgimit në Simferopol," tha ajo.

Sondazh

Poll

Bota 7 Qershor 2022, 18:47 I.A

Çfarë është lufta e llogoreve?

Foto Ilustruese UKRAINË- Konflikti në disa pjesë të Ukrainës është përshkruar si të kujton luftën e ...

MË SHUMË