Aktualitet

E PLOTË/ Si u planifikua e realizua grabitja e bankës , dëshmia: Lekët i prishëm në klube nate

Vetëm 4 ditë para grabitjes, më 5 maj, Gurraj shkoi me makinë para bankës dhe krijoi një situatë. Ai bëri sikur makina i ishte prishur dhe vëzhgoi lëvizjet jashtë bankës. Të nesërmen u vesh si polic dhe bëri të njëjtin veprim.

5 Qershor 2022, 20:35 Nga F.M
E PLOTË/ Si u planifikua e realizua grabitja e bankës , dëshmia:
Bekim Gurraj dhe momenti nga grabitja

KOPLIK- Grabitja e bankës së nivelit të dytë në Koplik ka nisur të planifikohet që në fillim të muajit mars. Dy muaj para se të ndodhte ngjarja, 22-vjeçari Bekim Gurraj vodhi makinën Golf 3 të një peshkatari në liqenin e Shkodrës. Peshkatari e kishte futur makinën kontrabandë nga Mali i Zi dhe e mbante të paregjistruar vetëm për peshkim. I riu ishte në dijeni të kësaj gjëje dhe ia grabiti, i ndërroi ngjyrën dhe e mbajti të parkuar në fshatin Aliaj të Malësisë së Madhe, por larg banesës së tij.

Vetëm 4 ditë para grabitjes, më 5 maj, Gurraj shkoi me makinë para bankës dhe krijoi një situatë. Ai bëri sikur makina i ishte prishur dhe vëzhgoi lëvizjet jashtë bankës. Të nesërmen u vesh si polic dhe bëri të njëjtin veprim.

Ndërsa më 9 maj, u hodh në veprim së bashku me djemtë e dajës së tij Admir e Armir Shabaj. Të veshur me maskën ‘Scream’ nga filmi i frikshëm për Hallouin, të tre u futën në mesditë në bankë, vetëm një orë para se të mbyllej turni. Gurraj mblodhi punonjësit e mbajti peng pranë derës teksa u drejtonte kallashnikovin, ndërsa dy vëllezërit mbushën çantat me para. Brenda pak minutave, ata dalin nga banka me rreth 18 milionë lekë, por në derë i pret policia. Një makinë e Policisë së Shtetit shihet se ndalon para mjetit të grabitësve e tenton tu bllokojë rrugën. Por, duke parë se ata ishin të armatosur, stepet. Gjithsesi, nga efektivi në fjalë duket se ka munguar edhe njoftimi i kolegëve, pasi grabtësit largohen të qetë.

Ata djegin mjetin me të cilin kryen grabitjen dhe arrijnë t’i marrin një qytetari makinën. Personin në fjalë e zbresin nga mjeti duke i drejtuar armën dhe largohen, duke qenë të sigurtë që policinë nuk do ta kishin pas. Sot të tre janë vënë në pranga, por ku shkuan paratë. Të rinjtë kanë rrëfyer para grupit hetimor se paratë e grabitura i shpenzuan në jetën e natës, në klube dhe restorante.

Shkoni pamjet e plota:

 

Sondazh

Poll

MË SHUMË