Bota

102 ditë luftë/ Kievi zgjohet me shpërthime, paralajmërime për sulme të tjera

Kryeqyteti ukrainas, Kievi është zgjuar mëngjesin e sotëm nga disa shpërthime në zonat pranë tij.

5 Qershor 2022, 08:12 Nga DOSJA
102 ditë luftë/ Kievi zgjohet me shpërthime, paralajmërime
Lufta

UKRAINË- Lufta në Ukrainë ka arritur në ditën e 102-të. Kryeqyteti ukrainas, Kievi është zgjuar mëngjesin e sotëm nga disa shpërthime në zonat pranë tij.

“Disa shpërthime janë regjistruar në Darnutskyi dhe Dniprovskyi pranë Kievit. Shërbimet tona janë duke punuar në vend”, tha kryetari i Bashkisë së Kievit Vitali Klitschko në Telegram.

Mediat shkruajnë se e gjithë zona në veri lindje të Kievit është mbuluar nga një re e zezë tymi, për shkak të shpërthimeve. Sipas CNN ka pasur raporte për sulme rreth qytetit port të Odesa-s.

Ukraina kundërshton propozimin e Putinit për të zhbllokuar grurin që grumbullohet në portet e terminalit, pasi nuk pranon që ngarkesat të kalojnë përmes Bjellorusisë ose që ngarkesat të largohen vetëm nga portet e kontrolluara nga rusët. OKB-ja nga ana tjetër po përpiqet të nisë negociatat për të parandaluar pasojat e ngërçit që të shkaktojnë një emergjencë ushqimore që do të prekte të gjitha vendet e varfra.

Luftimet vazhdojnë akoma në Severdonetsk. Kievi mohon që milicia pro-ruse të ketë pushtuar qytetin dhe përsërit se ata kanë rifituar pozicionet, por humbjet për ushtrinë ukrainase kanë filluar të jenë problem.

Sondazh

Poll

MË SHUMË