Aktualitet

Sondazhi/ Sa të hapur janë shqiptarët ndaj komunitetit LGBT+

Akoma më pak janë shqiptarët që do e pranonin një pjesëtar të këtij komuniteti pranë familjes apo punës së tyre. Nëse do e sillnin rrethanat, thuajse vetëm një në dhjetë shqiptarë do e pranonte si mik (12.5%), fqinj (14.3%), koleg (14.7%), shef (12.9%) apo mjek (9.3%) të familjes së tyre.

19 Maj 2022, 22:26 Nga DOSJA

Sondazhi

TIRANË- Më pak se një në pesë shqiptarë (16.4%) ka pasur marrëdhënie shoqërore apo profesionale me një person të komunitetit LGBT+.

Sondazhi

Nëse shqiptarët i ndajmë sipas moshës, rezulton se të rinjtë dhe të moshuarit janë thuajse njëlloj refuzues ndaj këtij komuniteti.

I njëjti rezultat del edhe nëse qytetarët i grupojmë sipas vendit ku jetojnë. Diferenca në pranimin e personave të komunitetit LGBT+ mes shqiptarëve që jetojnë në zona urbane apo rurale, është thuajse e papërfillshme.

Sondazhi

Niveli i arsimit bën një diferencim të ndjeshëm mes shqiptarëve sa i takon pranimit të personave LGBT+ në rrethine tyre miqësor apo profesional.

Shqiptarët me arsim bazë (9-vjeccare) janë 20 pikë përqindje më refuzues se shqiptarët që kanë kryer universitetin, sa i përket pranimit të një personi LGBT+ në shoqëri apo punë.

Sondazhi

Plotësisht refuzues janë shqiptarët e çdo moshe apo niveli arsimor kur vjen puna tek martesa me një person të këtij komuniteti.

Sondazhi

Gjetjet janë të anketës së Barometrit në Euronews Albania, kryer nga MRB dhe DataCentrum në nivel kombëtar me 1000 intervista ballë për ballë në familje mes datave 25 prill – 7 maj.

Marrë nga Euronews.al