Politike

"Meta aferë 700 mijë $"/ Presidenca: Shpifje! Po bëjmë gati padi për median austriake

Presidenca i konsideron si shpifje dhe gënjeshtra të fabrikuara të gjitha të dhënat që ka publikuar media e huaj.

16 Maj 2022, 12:17 Nga DOSJA
"Meta aferë 700 mijë $"/ Presidenca: Shpifje! Po
Tedi Blushi

TIRANË- Presidenca ka reaguar për herë të parë pas akuzave të publikuara sot në gazetën më të madhe të Austrisë për Ilir Metën, ku pretendohet se ka lobuar për 700 mijë dollarë në SHBA. Me anë të zëdhënësit të Presidencës, Tedi Blushit, Presidenca i konsideron si shpifje dhe gënjeshtra të fabrikuara të gjitha të dhënat që ka publikuar media e huaj. Madje paralajmëron edhe padi për median e huaj, e cila sipas tyre ka shpifur.

“Presidenti i Republikës, Ilir Meta është njohur sot me një shkrim pa autor të publikuar në gazetën austriake “Kronen Zeitung”, artikull që përmban veçse shpifje dhe gënjeshtra, të hershme dhe të konsumuara prej vitesh. Këto shpifje, mjerisht të fabrikuara dhe të hedhura në tregun mediatik edhe kohë më parë, e kanë marrë përgjigjen shumë të qartë dhe në mënyrë asgjësuese, që në prill të vitit 2018. Edhe kjo përpjekje e radhës, e rifabrikuar në mënyrë qesharake dhe vulgare, do të marrë përgjigje përpara drejtësisë austriake. Presidenti i Republikës, ka autorizuar stafin dhe mbrojtësit ligjorë, që të përgatisin menjëherë padinë “Për përhapjen e të dhënave të pavërteta”, “Shpifje”, “Cenim të imazhit publik”, që në këtë rast cenon rëndë edhe interesat e larta shtetërore,”- shkruan Blushi.

Reagim i Zëdhënësit të Presidentit të Republikës, z.Tedi Blushi

16 maj 2022

Presidenti i Republikës, Sh.T.Z Ilir Meta është njohur sot me një shkrim pa autor të publikuar në gazetën austriake “Kronen Zeitung”, artikull që përmban veçse shpifje dhe gënjeshtra, të hershme dhe të konsumuara prej vitesh. Këto shpifje, mjerisht të fabrikuara dhe të hedhura në tregun mediatik edhe kohë më parë, e kanë marrë përgjigjen shumë të qartë dhe në mënyrë asgjesuese, që në prill të vitit 2018. Edhe kjo përpjekje e radhës, e rifabrikuar në mënyrë qesharake dhe vulgare, do të marrë përgjigje përpara drejtësisë austriake.


Presidenti i Republikës, ka autorizuar stafin dhe mbrojtësit ligjorë, që të përgatisin menjëherë padinë “Për përhapjen e të dhënave të pavërteta”, “Shpifje”, “Cenim të imazhit publik”, që në këtë rast cenon rëndë edhe interesat e larta shtetërore. Në këtë mënyrë, shpifësit do të marrin përgjigjen e merituar përballë drejtësisë. Presidenti i Republikës garanton se beteja e Tij për mbrojtjen e interesit publik dhe luftën kundër korrupsionit, jo vetëm që nuk do të ndalet, por do të përshkallëzohet, që nga zbardhja e plotë e aferës së inceneratorëve (që deri tani vetëm sa është gërvishtur), si dhe të gjitha aferat e tjera.

Sot, gazeta austriake “Kronen Zeitung” ka bërë një denoncim lidhur me presidentin e vendit, Ilir Meta. Në artikullin e publikuar zbulon një histori korruptive që sipas saj “mund të trondisë politikën shqiptar” dhe të “rrëzojë presidentin e Republikës së Shqipërisë”. Po ashtu në artikull, flitet për një informator, i cili u fsheh në Austri për shkak të kërcënimeve me vdekje rëndon pozitën e kreut të shtetit të Shqipërisë.

(k.m/dosja.al)

Sondazh

Poll

MË SHUMË