Bota

Varësia e Europës dhe pagesa në rubla, Rusia dyfishon fitimin nga energjia gjatë luftës

29 Prill 2022, 19:52 Nga DOSJA

Varësia e Europës dhe pagesa në rubla, Rusia dyfishon fitimin nga

RUSI- Çmimet në rritje e kanë kompensuar më shumë se Rusinë për humbjen në vëllimin e shitjeve për shkak të sanksioneve. Moska vazhdon të përfitojë nga varësia energjetike e Evropës nga nafta ruse pavarësisht një reduktimi të shitjeve për shkak të sanksioneve të vendosura për t’i bërë presion asaj për t’i dhënë fund luftës së saj kundër Ukrainës, sipas ekspertëve të një organizate kërkimore me bazë në Finlandë.

Hulumtimi i ri i Qendrës për Kërkime për Energjinë dhe Ajrin e Pastër (CREA) i publikuar më 28 prill tregon se Rusia pothuajse ka dyfishuar të ardhurat e saj nga shitja e karburanteve fosile në BE gjatë dy muajve të luftës në Ukrainë.

Çmimet në rritje e kanë kompensuar më shumë se Rusinë për humbjen në vëllimin e shitjeve për shkak të sanksioneve, tregon studimi.

Studiuesit në CREA thonë gjithashtu se sanksionet e reja premtojnë të rrisin çmimet, edhe më shumë, duke anuluar përpjekjet për të parandaluar presidentin rus Vladimir Putin të përdorë energjinë për të bërë presion ndaj BE-së dhe për të financuar luftën kundër Ukrainës.

Që nga fillimi i luftës, Rusia i ka shitur Bashkimit Evropian burime energjetike në vlerë prej 46 miliardë eurosh dhe kjo shifër vazhdon të rritet. Kjo është rreth dy herë më shumë se numri i shitjeve në të njëjtën periudhë në 2021, sipas CREA.

(d.a/dosja.al)

Aksidenti i rëndë në Tiranë, si mund të shmangen ngjarje të tilla?

View Results

bota bota rritja e çmimeve varesia nga gazi rus rritja e çmimeve varesia nga gazi rus