Bota

‘Kush nuk e dënon luftën e mbështet atë’, mjeshtri i shahut Kasparov kritikon tenistin serb

27 Prill 2022, 15:23 Nga DOSJA
‘Kush nuk e dënon luftën e mbështet atë’,

RUSI– Mjeshtri i madh i shahut rus i të gjitha kohërave, Garry Kasparov, ka kritikuar tenistin serb Novak Gjokovic për mbështetjen e sportistëve rusë, duke thënë se të gjithë ata që nuk e dënojnë “luftën e shfarosjes së Presidentit Vladimir Putin në Ukrainë po e mbështesin atë me heshtje”.

Kasparov shkroi në Twitter për t’i kujtuar Gjokovicit traumat e luftës me të cilat është përballur Serbia dhe u shpreh se ata që nuk e dënojnë luftën e mbështesin në heshtje.

“Rusia mund të luajë sipas renditjes, por ata vrasin sipas kombësisë. Atletët rusë që nuk e dënojnë luftën e shfarosjes së Putinit në Ukrainë, po e mbështesin atë me heshtje. Dhe një serb që dështon ta bëjë këtë është veçanërisht i papërshtatshëm, duke pasur parasysh historinë,” shkroi në Twitter Kasparov.

Reagimi i Kasparov erdhi pasi Gjokoviç, ndërsa foli për çështjen e klubit të Anglisë që ndalon lojtarët rusë dhe bjellorusë të konkurrojnë në Wimbledon të këtij viti, tha së fundmi se ndërsa ai dënon luftën, por ndalimi i Wimbledon për tenisistët nga Rusia dhe Bjellorusia ishte i papranueshëm.

“Unë gjithmonë do ta dënoj luftën. Unë kurrë nuk do ta mbështes luftën duke qenë një fëmijë i luftës. E di sa trauma emocionale lë. Në Serbi të gjithë e dimë se çfarë ka ndodhur në vitin 1999. Në Ballkan kemi pasur shumë luftëra në historinë e re. Megjithatë, nuk mund ta mbështes vendimin e Wimbledon, mendoj se është një çmenduri. Kur politika ndërhyn me sportin, rezultati nuk është i mirë”, tha Gjokoviç.

Ndër lojtarët kryesorë që do të humbasin të luajnë Wimbledon përfshijnë numrin 2 të botës të Rusisë, Daniil Medvedev dhe lojtaren bjelloruse nr. 4 për femra, Aryna Sabalenka. Arsyeja e dhënë nga organizatorët e Wimbledon për të ndaluar lojtarët rusë të konkurrojnë këtë vit është se “Në rrethanat e një agresioni ushtarak të tillë të pajustifikuar dhe të paprecedentë nga Rusia, do të ishte e papranueshme që regjimi rus të nxjerrë ndonjë përfitim nga përfshirja e lojtarëve rusë ose bjellorusë me ‘Kampionatin'”.

(d.a/dosja.al)

Aksidenti i rëndë në Tiranë, si mund të shmangen ngjarje të tilla?

View Results

bota sport garry kasparov lufta ukraine-rusi novak djokoviç garry kasparov lufta ukraine-rusi novak djokoviç

Sondazh

Poll

MË SHUMË