Bota

Palët bien dakord, Elon Musk merr pronësinë e Twitter për 44 miliardë dollarë

25 Prill 2022, 19:01 Nga DOSJA
Palët bien dakord, Elon Musk merr pronësinë e Twitter për 44

SHBA- Bordi i kompanisë së Twitter ka rënë dakord ta shesë rrjetin social te Elon Musk me një marrëveshje me vlerë rreth 44 miliardë dollarë. CNN shkruan se marrëveshja mbyll një cikël lajmesh të stuhishme, në të cilën CEO i Tesla dhe SpaceX u bë një nga aksionerët më të mëdhenj të Twitter, iu ofrua dhe refuzoi një vend në bordin e tij dhe më pas u ofrua të blinte kompaninë.

Marrëveshja vjen pasi Musk zbuloi javën e kaluar se kishte financuar 46.5 miliardë dollarë për të blerë kompaninë. Bordi i Tëitter u mblodh të dielën për të vlerësuar ofertën e Musk. Musk tha në Twitter të hënën: Shpresoj që edhe kritikët e mi më të këqij të mbeten në Tëitter, sepse kjo është ajo që do të thotë liria e fjalës.

Marrëveshja po e vendos njeriun më të pasur në botë në krye të një prej platformave më me ndikim të mediave sociale në botë. Musk ka theksuar vazhdimisht ditët e fundit se qëllimi i tij është të forcojë fjalën e lirë në platformë dhe të punojë për të “zhbllokuar” “potencialin e jashtëzakonshëm” të Twitter.

“Kam investuar në Twitter pasi besoj në potencialin e tij për të qenë platforma për fjalën e lirë në mbarë globin dhe besoj se liria e fjalës është një imperativ shoqëror për një demokraci funksionale. Megjithatë, që kur kam bërë investimin tim, tani e kuptoj se kompania as nuk do të lulëzojë dhe as nuk do t’i shërbejë këtij imperativi shoqëror në formën e tij aktuale. Twitter duhet të transformohet si një kompani private,” tha Musk.

(I.A/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

bota bota elon musk twitter elon musk twitter

Sondazh

Poll

MË SHUMË