Aktualitet

Përplasja në Vlorë, Hajrulla thyen heshtjen pas 3 vitesh: Armiqtë i tremba me armë lodër

12 Prill 2022, 07:49 Nga DOSJA
Përplasja në Vlorë, Hajrulla thyen heshtjen pas 3 vitesh:

VLORË– Inez Hajrulla, një nga emrat më të njohur policorë në qytetin e Vlorës ka dëshmuar për përplasjen me armë zjarri ë ndodhur më 10 maj të vitit 2019, në kompleksin “Oslo” në Vlorë. Gazetari Elton Qyno raporton se para tre gjyqtarëve, Pëllumb Zaimi, Adelajda Gjuzi dhe Entela Gjoni, Hajrulla është shprehur se ka qëndruar në lokal për shkak të gjendjes së tij shëndetësore e se nuk mund të largohej siç bënë të tjerët. Hajrulla tregon se sapo ka parë që një person ka zbritur nga një automjet që në pamje të parë ju duk si “Land Rover”, e që me automatik është drejtuar me vrap drejt lokalit ka nxjerrë një armë lodër nga çanta e ka nisur të qëllojë drejt tij. Për këtë arsye, personi në fjalë është trembur e është kthyer mbrapsht.

“…unë sapo pashë këtë person që po vinte drejt lokalit, kam nxjerë nga çanta marsup një pistoletë imituese lodër, dhe kam filluar të qëlloj. Nuk e mbaj mend sa herë kam qëlluar, por di që një gjë të tillë, e kam bërë disa herë me rradhë. Për shkak të të shtënave që bëra, personi që zbriti nga makina dhe kishte armë automatike në dorë, është kthyer sërisht prapa dhe ka hipur në makinë, duke u larguar drejt qytetit…”-ka deklaruar Inez Hajrulla.

Ai shtoi në gjykatë, se armën tip pistoletë lodër, kishte ardhur dhe ja mori nga dora, shoku i tij, Ervis Matodashaj, i cili më pas është larguar me vrap. “…nga vendgjarja jam larguar dhe unë. Por kur mësova se policia më kërkonte dhe kishte nxjerë në kërkim, kam vendosur të dorëzohem, duke shpjeguar situatën që ka ndodhur…”-është shprehur Hajrulla.

Ky i fundit u ka thënë gjyqtarëve se nuk ka mundur të njohë asnjë nga autorët që i sulmuan me armë, kjo edhe për shkak të tronditjes së momentit. Ndërsa me asnjë nga personat e arrestuar nga prokuroria për këtë çështje, Hajrulla, deklaroi se nuk kishte pasur njohje dhe konflikte më parë. Pas dëshmisë së tij, para trupit gjykues dolën dhe dëshmuan dy shokët e Hajrullës, Ervis Matodashaj dhe Arbër Shollaj. Të dy dëshmuan çfarë kishin parë ditën e ngjarjes, dhe vendin ku Ervis Matodashaj kishte fshehur pistoletën lodër.

Si ndodhi atentati ndaj Hajrullës?

Në mëngjesin e 10 Majit 2019, Inez Hajrulla, person me precedent penalë, ka qenë në shoqërinë e disa shokëve të tij në lokal, që ndodhet në kompleksin “Oslo” në Vlorë, kur nga dy armë automatike janë lëshuar breshëri plumbash drejt tavolinës së tyre. Hajrulla nuk ka marrë asnjë dëmtim, kjo falë edhe reagimit të tij me një pistoletë që atë ditë e kishte me vete. I vetmi person që ka marrë një plumb në këmbë, ka qenë një punonjës i bashkisë Vlorë, Dajko Cenodemaj, që ishte rastësisht në një lokal tjetër.

Ndërkohë në kërkim vijon të jetë Fatmir Hyseni (Elidon) Musaj ose siç njihet ndryshe në Vlorë me nofkën “Doqja”, ose kunati i “Didit” të Vlorës. Ky person momentalisht nuk është mundur të arrestohet nga policia e Vlorës, ndërkohë që rezulton në kërkim edhe për ngjarjen e vrasjes nga klani “Duka”, të ish-policit Santiago Malko në Tiranë.

Ndërsa për Daut Elmazin, Igli Memaj, Gentian Dautaj, Serxhio Cima dhe Albano Goxhaj, procesi gjyqësor është duke vijuar në gjykatën e Shkallës së Parë në Vlorë. Në muajin korrik 2021, gjykata për këtë ngjarje dënoi Xheladin Merkaj me 4 vjet vjet burgim për akuzën e “Përkrahjes së autorit të krimit” dhe “Moskallëzimit të krimit”. Për të dyja këto akuza, me tre vite burgim është dënuar i pandehuri tjetër, Ardjan Ahmeti. Me dy vite burgim është dënuar Dejvison Serjani, për akuzën e “Moskallëzimit të krimit”. Ndërsa një vajzë me emrin Nensi Shaqiri, e marrë e pandehur për këtë ngjarje për akuzën e “Moskallëzimit të krimit”, është dënuar me 1 vite e 6 muaj burgim.

(f.m/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

aktualitet aktualitet inez hajrulla inez hajrulla

Sondazh

Poll

MË SHUMË