Bota

“Jam një nënë që kam humbur tre fëmijë”, dëshmia e 33-vjeçares: Një më ndan nga burgu

4 Prill 2022, 15:34 Nga DOSJA
“Jam një nënë që kam humbur tre

GREQI– Roula Pispirigou thuhet se dha versionet e saj për vdekjen e tre fëmijëve të saj gjatë faljes së saj të gjatë sot, duke iu përgjigjur një sërë pyetjesh që mori nga hetuesi.

Sipas mediave greke, ajo foli për akuzën e vrasjes me dashje ndaj vajzës 9-vjeçare Georgina në Patra të Greqisë. E pandehura ka paraqitur një memorandum falje, ku pretendon se ketamina i është dhënë fëmijës për një gabim mjekësor, gjë që tashmë është mohuar nga Administrata e  Spitalit të Fëmijëve “Aglaia Kyriakou”.

Në përpjekje për të justifikuar qëndrimin e saj të ftohtë dhe të shkëputur gjatë gjithë kësaj kohe, e akuzuara sipas informacioneve në hetuesi tha se ajo kishte humbur dy fëmijë më parë dhe e dinte dhembjen.

“Unë jam një nënë që kam humbur tre fëmijë dhe jam një hap përpara burgut”.-tha ajo.

Ajo u pyet fillimisht se çfarë donte të thoshte më 28 janar, një ditë para se të vdiste vajza e saj 9-vjeçare, kur i tha mjekëve se “këto kriza që patë nuk janë asgjë” dhe se e vogla “nuk e ka pësuar ende krizën e madhe”. 33-vjeçarja dyshohet se i është përgjigjur hetuesit se fjalët e saj ishin një “këmbanë” për mjekët për të qenë më të vëmendshëm, pasi ajo e dinte nga ngjarjet e mëparshme se fëmija i saj kishte tre episode me takikardi dhe një bradikardi.

Pispirigou është pyetur edhe për pyetjet që i ka bërë një infermiere nëse ka kamera në spital. Për këtë çështje ajo dyshohet se është përgjigjur se këtë pyetje e ka bërë sepse ka pasur një vjedhje dhe ka dashur të sigurohet për sendet e saj personale.

Nëna e akuzuar dyshohet se i është referuar marrëdhënies së saj me Manos Daskalakis që nga fillimi deri në ditën e vdekjes së vajzës së tyre Georgina.

33-vjeçarja u pyet rreth përdorimit të ketaminës ndaj vajzës së saj por edhe çfarë ndodhi saktësisht me vdekjen e dy fëmijëve të tjerë të familjes: Malena, e cila u nda nga jeta në vitin 2019 në moshën 3.5 vjeç dhe  Iris, e cila ishte vetëm gjashtë muajshe dhe vdiq në vitin 2021.

Nga informacionet paraprake mësohet se falja e saj para hetuesit zgjati pesë orë ku ndër të tjera ka mohuar kategorikisht përfshirjen në vrasjen e vajzës së saj duke hedhur akuzat mbi stafin mjekësor.

33-vjeçarja u paraqit në gjykatë e shoqëruar nga forca të shumta policie ku qytetarë të shumtë ishin mbledhur dhe lëshuan thirrje të ashpra ndaj saj.

(d.a/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

rajoni rajoni manos daskalakis roula pispirigou vrasja e trefishte ne greqi manos daskalakis roula pispirigou vrasja e trefishte ne greqi

Sondazh

Poll

MË SHUMË