Bota

E dhimbshme/ Deputetet ukrainase bëjnë akuzën e fortë: Rusët po përdhunojnë gra të moshuara

17 Mars 2022, 18:29 Nga DOSJA

E dhimbshme/ Deputetet ukrainase bëjnë akuzën e fortë:

UKRAINË- Detaje rrëqethëse të grave të moshuara të pambrojtura që përdhunohen dhe ekzekutohen nga ushtarët rusë janë zbuluar nga deputetet ukrainase që po vizitojnë Britaninë e Madhe.

Duke folur me gazetarët në Westminster, katër deputetet thanë se presidenti rus, Vladimir Putin, filloi qëllimisht të synonte gratë dhe fëmijët pasi Ukraina nuk u dorëzua si ai e parashikoi.

Sipas mediave britanike, ato raportuan histori të grave që ishin të moshuara dhe të paafta për të shpëtuar, duke u shënjestruar nga ushtarët rusë. Deputetët thanë se një brez fëmijësh po traumatizohej, me një fëmijë në moshën pesë vjeçare që duhej të merrte antidepresivë. Ata përshkruanin foshnjat e porsalindura, pamjet e para të të cilëve ishin njerëz të plagosur të grumbulluar në bodrume dhe për të cilët tingujt e parë që dëgjuan ishin sirena dhe shpërthime.

Lesia Vasylenko, Alona Shkrum, Maria Mezentseva dhe Olena Khomenko janë në një udhëtim dy-ditor në MB dhe do të takohen me Boris Johnson më vonë sot. Ato janë të gjitha deputete femra, sepse burrat janë të ndaluar të largohen nga Ukraina gjatë konfliktit. Deputetët që ikin nga vendi do të konsideroheshin tradhti, por atyre u është dhënë një përjashtim i veçantë nga Parlamenti ukrainas.

Duke folur me gazetarët, Vasylenko, deputete e Partisë Holos të Ukrainës, tha se kishte histori të dhunës seksuale që ishin raportuar më pak.

“Është një temë jashtëzakonisht e dhimbshme për ne për të folur dhe mendoj se është ende fillimi i mizorive që do të shohim. Ushtria e Putinit po kryen krime lufte dhe krime kundër njerëzimit. Ata janë kundër më të pambrojturve. Ai e zhvendosi strategjinë e tij për të synuar veçanërisht gratë dhe fëmijët.”-tha ajo.

Ajo tha se viktimat dhe familjet e viktimave “nuk kishin forcën apo kapacitetin për të dalë përpara”.

“Ne kemi raporte për gra të dhunuara në grup, këto gra janë zakonisht ato që nuk mund të dalin jashtë. Po flasim për të moshuarit. Shumica e këtyre grave ose janë ekzekutuar pas krimit të përdhunimit ose kanë marrë jetën e tyre.”-shtoi ajo.

Ajo i bëri thirrje komunitetit ndërkombëtar dhe qeverisë së Mbretërisë së Bashkuar që të trajnojnë personelin për të ofruar ndihmë për familjet dhe viktimat, si dhe për të siguruar që krimet të dokumentohen dhe të dërgohen në Gjykatën Ndërkombëtare të Drejtësisë.

LAJMI KRYESOR: Lufta në Ukrainë!Bomba në strehimore dhe teatro në Kiev, Biden akuzon Putin: Kriminel lufte

(d.a/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

bota bota alona shkrum lesia vasylenko lufta ukraine-rusi maria mezentseva alona shkrum lesia vasylenko lufta ukraine-rusi maria mezentseva