Ekonomi

Zhvlerësimi i lekut/ Vala e inflacionit prek Shqipërinë! Pritet ndërhyrja e Bankës Qendrore

16 Mars 2022, 20:07 Nga DOSJA
Zhvlerësimi i lekut/ Vala e inflacionit prek Shqipërinë! Pritet

Pas pandemisë së Covid-it, duket se po afron një pandemi tjetër: ajo e rritjes së çmimeve. Shpresa për një ringritje ekonomike globale, pas përfundimit të pandemisë, duket se janë frenuar nga një vale inflacioni në rritje, që nisi nga Shtetet e Bashkuara.

Kërkesa e lartë për mallra pas pandemisë, mungesa e ofertës në treg dhe së fundmi lufta në Ukrainë ka bërë që çmimet e lëndëve të para në tregje, nga ato energjetike deri tek ndërtimi të rriten në mënyrë stratosferike. Edhe në Shqipëri, prej tre muajsh inflacioni është nën vëzhgimin e Bankës së Shqipërisë. Ekonomistët presin që banka së shpejti të rrisë normat e interesit:

“Duket se kjo rritje çmimesh është strukturore. Banka e Shqipërisë duhet të rrisë normat e interesit, siç kanë bërë edhe shumë banka të tjera qendrore”.

Por, cilat do jenë ndikimet e para tek qytetarët nëse normat e interesit rriten?

“Leku do të vlerësohet më shumë dhe sigurisht do të ketë ndikim tek mosrritja e çmimeve, kreditë, tek depozitat bankare, investimet dhe me radhë”.

Sipas profesorit Civici çmimet do vijojnë të larta edhe për disa muaj:

“Duke parë edhe si po ecin çmimet e lëndëve të para mendoj se presioni inflacionist në Shqipëri do vijojë të jetë i fortë edhe për një periudhë disa mujore”.

Banka Qendrore e Amerikës pritet të rrisë me 0.25% normat e interesit. Kjo lëvizje vjen në momentin kur inflacioni në Amerikë arriti në nivelin më të lartë në 40 vite, në muajin shkurt, me çmimet e ushqimeve dhe energjisë në nivele rekord. Jerome Powell, guvernator i Bankës Qendrore Amerikane prej muajsh po jepte sinjale në këtë drejtim. Rritja e normave të interesit është një politikë e vështirë ekonomike. Nga njëri krah ajo e bën më të kushtueshme për të marrë para, duke rritur normat e interesit për kartat e kreditit, kreditë konsumatore deri tek ato hipotekore. Por, në një ekonomi të shëndetshme indikatori më me rëndësi është: stabiliteti i çmimeve. Pikërisht kjo është balanca “e artë” që kërkon guvernatori amerikan, çmime të qëndrueshme dhe rritje ekonomike.

Rritja e normave të interesit mund të ulë kërkesën e tepërt nga konsumatorët, në kushtet kur oferta e produkteve dhe zinxhirët e furnizimit janë në një pikë shumë të dobët pas pandemisë.

Kur interesat rriten, ekonomia frenon zhvillimin e saj, por ekonomistët amerikanë po shpresojnë që frenimi të jetë i qëndrueshëm dhe indikatorët kryesorë si punësimi apo rritja ekonomike të mos dëmtohen. Histori ka treguar që kjo lëvizje është e vetmja i shpëton ekonomitë nga normat e larta të inflacionit apo rritjes së çmimeve.

Marrë nga Top Channel

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

ekonomi ekonomi banka qendrore banka qendrore

Sondazh

Poll

MË SHUMË