Bota

Pasojat e luftës, Danimarka rifillon ndërtimin e lidhjes së gazit Norvegji-Poloni

11 Mars 2022, 14:41 Nga DOSJA

Pasojat e luftës, Danimarka rifillon ndërtimin e lidhjes së gazit

DANIMARKË– Ndërtimi i pjesës daneze të Baltic Pipe, i cili do të lidhë Poloninë me fushat norvegjeze të gazit, po rifillon pas një ndërprerjeje nëntë mujore, tha të martën operatori danez i rrjetit Energinet.

Tubacioni është projektuar për të reduktuar varësinë e Polonisë nga gazi rus, por ndërtimi u ndërpre në maj 2021 për shkak të çështjeve mjedisore. Energinet tha se kishte marrë tani një leje të re mjedisore dhe ende pret që tubacioni të jetë pjesërisht funksional nga 1 tetori i këtij viti dhe të funksionojë me kapacitet të plotë deri në 10 miliardë metra kub nga 1 janari 2023. Pezullimi tashmë ka shtyrë datën e fillimit me tre muaj.

Pushtimi rus i Ukrainës ka shkaktuar shqetësime se furnizimet me gaz rus në Evropë mund të ndërpriten, duke theksuar nevojën për diversifikimin e furnizimeve. Gazprom i Rusisë furnizon gjysmën e konsumit të gazit të Polonisë prej 20 miliardë metra kub, por kontrata afatgjatë skadon në fund të këtij viti dhe Varshava nuk planifikon ta rinovojë atë.

Ndërtimi në dy pjesë të gazsjellësit është pezulluar që nga viti 2021 pas anulimit të një leje mjedisore nga një komitet publik danez për apelime për shkak të shqetësimeve mbi ndikimin e tubacionit te minjtë dhe speciet e mbrojtura të lakuriqëve të natës.

Polonia synon të zëvendësojë këto furnizime me dërgesa nëpërmjet Baltic Pipe. Një tubacion gazi natyror që lidh Poloninë me një terminal të gazit natyror të lëngshëm në Lituani, i quajtur GIPL, do të hapet më 1 maj, njoftoi Lituania më 7 mars, më herët se fillimi i planifikuar nga mesi i vitit 2022. GIPL do të lejojë Poloninë të rrisë importet e LNG dhe të dërgojë gaz në shtetet baltike për të zbutur çdo ndërprerje.

Tubacioni, i projektuar për të pasur një kapacitet për të transportuar rreth 2.4 miliardë metra kub gaz në vit në të dy drejtimet, u financua nga Bashkimi Evropian për të ndihmuar Poloninë dhe shtetet baltike për të rritur sigurinë e furnizimit.

(d.a/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

bota bota baltic pipe linja e gazit ne danimarke lufta ukraine-rusi baltic pipe linja e gazit ne danimarke lufta ukraine-rusi