Bota

Sulmi në termocentralin bërthamor të Zaporizhzhia/ Gjithçka që duhet të dini

4 Mars 2022, 09:53 Nga DOSJA

Sulmi në termocentralin bërthamor të Zaporizhzhia/

UKRAINË- Forcat ruse kanë kapur centralin bërthamor të Ukrainës në Zaporizhzhia, i cili është edhe më i madhi në Evropë. Aljazeera shkruan se autoritetet ukrainase thanë të premten se sulmet ruse kishin shkaktuar një zjarr në kompleksin e uzinës që më vonë u shua. Zjarri ngriti alarmin nga drejtuesit në mbarë botën për një fatkeqësi masive të mundshme.

Ku ndodhet?

Termocentrali bërthamor Zaporizhzhia ndodhet në stepën jugore të Ukrainës në lumin Dnieper, rreth 550 kilometra në juglindje të kryeqytetit të Ukrainës, Kiev, dhe rreth 525 km në jug të Çernobilit (ku dhe ndodhi shpërthimi bërthamor që la pas qindra të vdekur). Para se të kapej termocentrali Zaporizhzhia, trupat ruse fillimisht morën nën kontroll Çernobilin. Centrali ka një kapacitet total prej rreth 6,000 megavat, të mjaftueshme për të furnizuar me energji rreth katër milionë shtëpi.

Çfarë ndodhi?

Por të premten trupat ruse u akuzuan për sulmimin e uzinës, në një sulm që Presidenti i Ukrainës Volodymyr Zelenskyy e quajti terror bërthamor dhe tha se mund të rrezikonte kontinentin. Një video nga uzina tregoi granatime dhe tym që ngrihej pranë një ndërtese në komplek. Pamjet treguan një ndërtesë të ndezur në flakë dhe një breshëri me predha që hynin, përpara se një top i madh zjarri të ndriçonte qiellin, duke shpërthyer pranë një parkingu makinash. Shërbimet e urgjencës, në një deklaratë në Facebook, thanë se zjarri në ndërtesën e trajnimit të NPP Zaporizhzhia në Energodar u shua në orën 06:20.

Autoriteti rregullator i Ukrainës tha gjithashtu se zjarri në vend nuk kishte prekur pajisjet “thelbësore” dhe personeli po merrte veprime lehtësuese. Ata gjithashtu thanë se nuk kishte raportuar ndryshim në nivelet e rrezatimit në central. Më pas autoritetet lokale thanë se forcat ushtarake ruse kishin kapur termocentralin, ndërsa personeli operacional po monitoronte gjendjen e njësive të energjisë.

A ka rrezik rrezatimi?

Reaktorët në uzinën Zaporizhzhia funksionojnë me karburant të pasuruar me izotop të zbërthyeshëm uranium-235. Ata punojnë nga avulli i ngrohjes së bërthamës, por ndryshe nga reaktorët e tjerë, avulli i kontaminuar nga bërthama nuk përdoret për të gjeneruar energji. Në vend të kësaj, përdoret për të fuqizuar një qark tjetër të pandotur me avull, i cili më pas i kthen turbinat.

Kjo do të thotë se nivelet e rrezatimit për punëtorët në fabrikë janë relativisht të ulëta. Nivelet e rrezatimit në sfond rreth uzinës janë aktualisht rreth 0.1 mikrosievert në orë, sipas operatorit të uzinës. Kjo është nën mesataren globale të rrezatimit të sfondit dhe shumë më pak sesa të fluturosh në një aeroplan ose të marrësh një rreze x. Gjatë fatkeqësisë së Çernobilit, nivelet e rrezatimit ishin rreth 300 sievert në orë, shumë miliona herë më të larta.

(I.A/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

bota bota lufta ukraine-rusi lufta ukraine-rusi