Aktualitet

Të shtëna me armë zjarri në Korçë, arrestohet 39-vjeçari, telefonata që e vuri në pranga

6 Korrik 2019, 09:57 Nga DOSJA
Të shtëna me armë zjarri në Korçë, arrestohet

KORCE- Dy ditë pasi Kavaja u trondit nga një luftë me plumba, e cila i mori jetën një kalimtari, një tjetër ngjarje e rëndë ka ndodhur në Korçë. Një 39-vjeçar ka qëlluar me breshëri plumbash në drejtim të një banese, fatmirësisht pa të lënduar. Ka qenë një telefonatë që ka denoncuar për këtë person që po lëvizte me armë gjahu pa leje.

Njoftimi i plotë:

Mbrëmjen e djeshme, në nr 129 të Policisë, ka ardhur një telefonatë se në lagjen nr 7 në Korçë, një shtetas kishte qëlluar në drejtim të një banese me armë gjahu dhe po lëvizte në qytet me armë të cilën e posedonte pa leje.

Falë vlerësimit në kohë të informacionit, shërbimet e Komisariatit të Policisë Korçë, kanë shkuar menjëherë në adresën e denoncuar ku kapën në flagrancë shtetasin E.A, banues në Korçë, i cili për motive të dobëta dyshohet të ketë qëlluar në drejtim të oborrit të banesës së shtetasit D.K.

Në cilësinë e provës materiale këtij shtetasi iu sekuestrua 1 armë gjahu tip çifte me fishekë.

Shtetasi E.A, (i dënuar më parë për veprën penale “Vjedhja me dhunë”) u arrestua në flagrancë për veprat penale “Prodhimi dhe mbajtja pa leje e armëve të gjuetisë”; “Prishja e qetësisë publike”; “Kanosja” dhe materialet i kaluan Prokurorisë të Rrethit Gjyqësor Korçë për veprime të mëtejshme.

(F.g/dosja.al)

Tirana është boshatisur për ditët e pushimit. Cilën nga ritet e shenjta po ndiqni:

View Results

aktualitet aktualitet te shtena me arme ne korce te shtena me arme ne korce

Sondazh

Poll