Bota

Konflikti në Ukrainë/ Kievi shpall gjendjen e jashtëzakonshme, anulohet takimi Biden-Putin

23 Shkurt 2022, 06:22 Nga DOSJA

Konflikti në Ukrainë/ Kievi shpall gjendjen e jashtëzakonshme,

UKRAINË/RUSI – Presidenti amerikan Joe Biden anuloi takimin e planifikuar me homologun rus Vladimir Putin. Shkak u bë autorizimi i Putin për të dërguar forca në lindje të Ukrainës, veprim që konsiderohet nga Uashingtoni si sulm ushtarak. Po ashtu është anuluar edhe takimi mes kryediplomatëve të dy shteteve, Sekretarit Amerikan të Shtetit, Antony Blinken, dhe ministrit të Jashtëm të Rusisë, Sergei Lavrov. Papa Françesku reagoi për herë të parë për çështjen e Ukrainës. Ai u kërkoi udhëheqësve politikë që të mendohen mirë përpara se të rrezikojnë jetët e qytetarëve të tyre.

Ukraina ditën e sotme ka shpallur gjendjen e jashtëzakonshme, e cila do të hyjë në fuqi mesnatën e sotme dhe do të qëndrojë për 30 ditë. Biden po sot ka mbajtur premtimin e tij për të sanksionuar Rusinë duke dhënë urdhërin për paketën e parë të sanksioneve ndaj Nord Stream 2. Ndërkohë që BE-ja i ka kërkuar Serbisë që të mbajë një anë në këtë konflikt, përgjigje, të cilën Presidenti Aleksandër Vuçiç pritet ta japë brenda 48 orëve.

Këshilli i Lartë i Federatës së Rusisë autorizoi dje kërkesën e presidentit të vendit Vladimir Putin për të përdorur forcat e armatosura jashtë kufirit. Vendimi i Dhomës së Lartë të parlamentit rus u kalua me votë unanime. Sipas Kremlinit, këto forca do të përdoren për mision paqeruajtës në lindje të Ukrainës, konkretisht në zonat Donbas dhe Luhansk, të cilat tashmë njihen si të pavarura.

Pas vendimit të parlamentit rus, Ministria e Jashtme e Ukrainës u kërkoi qytetarëve të saj që të mos udhëtojnë drejt Rusisë, ndërsa nga shtetasit e saj në Rusi u bëhet me dije që të largohen menjëherë nga shteti rus. Zëdhënësi i BE Peter Stano theksoi se Europa e Bashkuar pret që Serbia të bashkohet për vendosjen e sanksioneve ndaj Moskës pasi është vend kandidat për në këtë organizëm.

Forcat ruse vazhdojnë të grumbullohen në kufi me Ukrainën. Sateliti amerikan “Maxar” publikoi sot pamjet shtimit të forcave dhe pajisjeve ushtarake ruse në perëndim të saj. Po ashtu në jug të Bjellorusisë, zonë kufitare me Ukrainën janë zhvendosur rreth 100 automjete ushtarake.

Sot, presidenti Vladimir Putin tha se Moska është ende e gatshme të kërkojë “zgjidhje diplomatike” me Perëndimin për Ukrainën. Mirëpo ai shton se interesat e Rusisë dhe siguria e qytetarëve ishin të panegociueshme. Në një fjalim video për të shënuar Ditën e Mbrojtësit të Atdheut të Rusisë, ai këmbënguli se ishte gjithmonë i hapur për “dialog të ndershëm”.

Çfarë ka ndodhur?
Britania e Madhe vendosi dje sanksionet e reja ndaj 5 bankave dhe 3 biznesmenëve rusë. Edhe Bashkimi Europian hartoi një listë me propozimet me sanksionet financiare ndaj Moskës pas mbledhjes së ministrave të jashtëm në Bruksel. Ministri i Jashtëm rus Sergej Lavrov theksoi se vendi i tij është mësuar me kërcënimet dhe presionet e Perëndimit.

Dje, presidenti ukrainas Volodimir Zelenski theksoi se kufijtë e vendit të tij janë të panegociueshëm. Ai mori dhe kërkesën e ministrit të tij të jashtmë Dmitri Koleba për prishtje të marrëdhënieve me Rusinë.

Para dy ditësh, presidenti i Rusisë firmosi njohjen e pavarësisë së Luhanskut dhe Donbasit dhe autorizoi disa forca tëë armatosura për të kryer mision paqeruajtës në këto rajone separatiste. Sekretari Amerikan Antony Blinken e konsideroi të turpshme vendimin e Rusisë. Prej 10 ditësh, SHBA dhe aleatët e saj pretendojnë se Moska po planifikon dhe ka nisur sulmin ndaj Ukrainës.

Nga dita e shtunë, mëse 40 mijë qytetarë janë evakuar drejt Rusisë nga zonat Luhansk dhe Donbas.

Thelbi i konfliktit Perëndim-Rusi u bë përpjekja e Ukrainës për tu anëtarësuar në NATO. Rusia i frikësohet kësaj lëvizjeje me pretendimin se cënohet sovraniteti dhe integriteti i saj territorial.

ZHVILLIMET ORË PAS ORE:

Vuçiç: Përgjigja e Serbisë ndaj krizës në Ukrainë do të jepet brenda 48 orëve

Solidarizim/ Parisi dhe Berlini ndriçojnë monumentet me ngjyrat e flamurit ukrainas

Njohja e rajoneve separatiste si të pavarura, ambasada ruse: Lavrov u dërgoi mesazh urimi

Biden: Kam urdhëruar administratën time që të vendosë sanksione ndaj Nord Stream 2

FOTOT/ Pamjet nga një fshat ukrainas nën bombardimet nga forcat pro-ruse

ZYRTARE/ Ukraina do të hyjë në gjendje të jashtëzakonshme në mesnatë

Analiza e REL: Rusia “nuk i ndahet” Kosovës

SHBA paralajmëron Ukrainën: Një sulm i afërt rus mund të ndodhë së shpejti

Konflikti me Rusinë, Ukraina sulmohet kibernetikisht, institucionet hasin probleme

Ukraina drejt gjendjes së emergjencës, Rusia evakuon punonjësit e saj në ambasadën në Kiev

Politikanë rusë në “listën e zezë”, sanksionet e BE ndaj Moskës hyjnë sot në fuqi

Kriza e Ukrainës, befason Donald Trump: Putin është gjeni, Biden mbeti pa përgjigje

Presidenti i Ukrainës: S’ka mobilizim të ushtrisë, asnjë territor s’do i kalojë Rusisë

LUFTA me Rusinë! Ukraina gati të shpallë gjendjen e jashtëzakonshme

Britania e Madhe: S’kemi prova të plota se Putin po dërgon trupa në Ukrainën Lindore

Ukraina i kundëpërgjigjet Rusisë, grumbullon 900 mijë rezervistë

Rusia dhe Ukraina drejt luftës, Papa Françesku: Dhimbje e madhe në zemër

Rusia dhe Ukraina drejt luftës, mblidhet sot Asambleja e Përgjithshme e OKB

Ukraina thirrje qytetarëve të saj: Mos udhëtoni në Rusi

Shtohet paniku, Këshilli Federativ i Rusisë autorizon dërgimin e trupave jashtë kufirit

“Show” i Putin, gazetari amerikan zbulon inskenimin e presidentit rus përmes fotove

Perëndimi kundër Rusisë, BE: Serbia vend kandidat, presim që të miratojë sanksionet

FT/ Rusia nuk stepet, shton forcat ushtarake në kufi me Ukrainën

Konflikti Rusi-Ukrainë, samiti mes Biden dhe Putin nuk do të zhvillohet

Kryeministri i Australisë: Pushtimi i plotë i Ukrainës ‘ka gjasa’ të ndodhë brenda 24 orëve

Putin: Jemi të gatshëm të gjejmë zgjidhje diplomatike me Perëndimin për Ukrainën

(a.b)/dosja.al

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

bota kryesore konflikti rusi-ukraine rusi ukraine konflikti rusi-ukraine rusi ukraine