Aktualitet

Primaret/ Kush janë kandidatët e zgjedhur të Berishës, Shkodra e mbyll e fundit

30 Janar 2022, 20:15 Nga DOSJA

Primaret/ Kush janë kandidatët e zgjedhur të Berishës,

TIRANË– Sot, rreth 14 mijë anëtarë të Partisë Demokratike votuan përmes primareve për të zgjedhur kandidatin që duan t’i përfaqësojë në zgjedhjet e pjesshme vendore të 6 Marsit për kryetar bashkie në Shkodër, Durrës, Vorë, Dibër, Lushnje e Rrogozhinë. Votimi i sotëm, i nisur për 22 kandidatë, të cilët më herët e kaluan filtrin e Komisionit të Rithemelimit nisi në orën 08:00 të mëngjesit, ka caktuar 5 nga 6 kandidatët. Ndërkohë që ende nuk ka një emër që do të përfaqësojë lëvizjen e Sali Berishës në qytetin e Shkodrës.

Në Durrës garën e fitoi Ardian Muka, i cili u zgjodh me 1162 vota, duke siguruar kështu më shumë vota nga të gjithë demokratët që kanë qenë pjesë e zgjedhjeve. Në Lushnje u zgjodh Elton Bano, me 671 vota. I dyti më i votuar, ndërsa Premtim Kryemadhi ka marrë 424 vota për të garuar për drejtimin në Bashkinë e Dibrës. Në Vorë anëtarët e Partisë Demokratike zgjodhën me 277 vota, Lulzim Vranën, ndërkohë që në Rrogozhinë u shpall fitues kandidati Hekuran Xhani. Ky i fundit mori 211 vota.

Ndërsa në Shkodër, ku votimi u mbyll 2 orë me vonesë për shkak të fluksit të madh të votuesëve, ku u zgjodh ish-deputeti i Partisë Demokratike, Bardh Spahia, duke “mundur” garuesit e tjerë: Alfred Koçobashi, Arben Maliqi, Astrit Bushati, Irena Shestani Shala dhe Irma Kopliku Alushi. Ndërkohë që zyrtarisht Partia Demokratike është distancuar nga të gjithë të zgjedhurit, por ende nuk i ka bërë me dije emrat e kandidatëve të tyre në zgjedhjet e pjesshme lokale.

(k.m/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

kryesore politike zgjedhjet e pjesshme 6 mars 2022 zgjedhjet primare 30 janar 2022 zgjedhjet e pjesshme 6 mars 2022 zgjedhjet primare 30 janar 2022