Aktualitet

EMRI/Kontrollet në Sarandë/’Shqiponjat’ arrestojnë një tjetër person, akuza ndaj tij

15 Janar 2022, 06:40 Nga DOSJA

EMRI/Kontrollet në Sarandë/’Shqiponjat’ arrestojnë

SARANDË – Policia e Sarandës ka shoqëruar një tjetër person në orët e vona të mbrëmjes së djeshme, në kuadër të operacionit blic të zhvilluar në këtë qytet për kapjen e personave me rrezikshmëri ose që janë shpallur në kërkim. Mësohet se Enea Hasanaj, 21 vjeç është kapur nga forcat “Shqiponja” me dorezë metalike një i ri nga fshati Vllahat, bashkia Delvinë. Ai akuzohet për mbajtje të armëve të ftohta.

Njoftimi i policisë:

“Nga Specialistët e Hetimit të Krimit në Komisariatin e Policisë Sarandë u arrestua në flagrancë për veprën penale ” Prodhimi, mbajtja, blerja apo shitja pa leje e armëve të ftohta”, shtetasi E. H., 21 vjeç, banues në Delvinë, sepse gjatë kontrollit fizik iu gjet një perforcuese grushti (dorezë metalike)”, thuhet në njoftimin e policisë.

Në kuadër të ruajtjes së sigurisë dhe rendit, Policia e Sarandës, ditën e djeshme ngriti disa postblloqe në pikat hyrëse dhe dalëse të qytetit. Nga kontrolli i ushtuar nga forcat Shqiponja dhe FNSH në vendin e quajtur Ura e Kranesë pasditen e djeshme u kap një i ri nga Gjirokastra, Florid Gërxholli, të cilit iu gjetën disa doza me lëndë narkotike.

“Specialistët e Hetimit të Krimit në Komisariatin e Policisë Sarandë arrestuan në flagrancë për veprën penale “Prodhimi dhe shitja e narkotikëve” shtetasin F. G.,29 vjeç, banues në Gjirokastër, pasi gjatë kontrollit fizik iu gjet dhe sekuestrua në cilësinë e provës materiale një sasi lënde narkotike e dyshuar kokainë.”, thuhej në njoftimin e policisë.

Postblloqet vazhdojnë për kapjen e personave të armatosur, apo në kërkim.

(e.h/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

aktualitet aktualitet arrestohet i riu ne sarande policia e sarandes arrestohet i riu ne sarande policia e sarandes