Aktualitet

U arrestua për ngacmim seksual, Prokuroria kërkon 7 vite burg për ish-efektivin Kola

29 Dhjetor 2021, 10:06 Nga DOSJA
U arrestua për ngacmim seksual, Prokuroria kërkon 7 vite burg për

LEZHË- Prokuroria e Lezhës ka kërkuar dënimin me 7 vite burg, të ish-efektivit të policisë Kol Kola, i cili u arrestua në muajin prill të këtij viti për ngacmim seksual të një vajze të mitur 13-vjeçare. Prokurori Françesk Ganaj dha maksimimin e dënimit për veprat penale “Ngacmim seksual” dhe “Kryerja e veprimeve ose dhënia e urdhrave arbitrare”, por duke qene se i është pranuar gjykimi i shkurtuar i ulet 1 e 3 e dënimit.

Në dosjen hetimore thuhet se është arritur të provohet se 62-vjeçari me detyrë Ndihmës Specialist i Policimit në Komunitet pranë Komisariatit të Policisë Lezhë, “duke keqpërdorur atributet që i jep detyra funksionale, nëpërmjet mashtrimit se do ta shoqëronte në Komisariatin e Policisë, e ka marrë të miturën në makinë dhe e ka dërguar në një banesë në qytetin e Lezhës, që e kishte në përdorim, duke kryer veprime të turpshme me të”.

Kola i ka mohuar në vazhdimësi akuzat, duke e konsideruar ngjarjen si inskenim. Tashmë gjykata do të vendosë për fatin e ish-policit i cili u arrestua nga policia, pas denoncimit të bërë nga një 13-vjeçare e mitur e cila rrëfeu atë që i kishte ndodhur.

Efektivi i policisë në Lezhë, Kol Kola është arrestuar pasi akuzohet se ka tentuar të përdhunojë një vajzë të mitur 13-vjeçe. 62-vjeçari më 29 prill ka ndaluar të miturën në rrugë dhe i ka thënë se do ta shoqëronte për në komisariat. Ai e ka dërguar në banesën e tij dhe aty ka nisur ta ngacmojë seksualisht duke tentuar përdhunimin. 13-vjeçarja ka kundershtuar veprimet e efektivit dhe ka arritur t’i shpëtojë nga duart 62-vjeçarit duke vrapuar e tmerruar për në banesën e saj. Bashkë me prindërit, e mitura ka ngritur kallëzimin për Kolën, dhe më pas ky i fundit është arrestuar nga SHÇBA-ja.

(a.b)/dosja.al

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

aktualitet aktualitet kol kola kol kola

Sondazh

Poll

MË SHUMË