Bota

Miliona euro për të kaluar ilegalisht 69 shqiptarë, 35 vjet burg për bandën angleze

22 Dhjetor 2021, 07:50 Nga DOSJA

Miliona euro për të kaluar ilegalisht 69 shqiptarë, 35 vjet burg

LONDËR – Dënohet me më shumë se 35 vite burgim katër persona, pjesë të një bande, të cilët trafikonin njerëz drejt Britanisë së Madhe. Këta persona kanë tentuar të dërgojnë ilegalisht 69 emigrantë shqiptarë, duke përfshirë dy gra shtatzëna në Angli, nëpërmjet një anije peshkimi.

Anija e peshkimi “Svanic”, e ndërtuar gati 60 vjet më parë, u kap në brigjet e Norfolk më 17 nëntor të vitit të kaluar, pasi u nis nga zona Ostend e Belgjikës, për në Britaninë e Madhe. Një udhëtim i vetëm do të sillte më shumë se 1 milion £ për pjesëtarët e bandës dhe udhëtimet ishin planifikuar të bëheshin të paktën çdo javë. Por ekuipazhi tërhoqi vëmendjen e autoriteteve, fillimisht në brigjet e Suedisë ku anija u përplas dhe më pas në Britaninë e Madhe ku u kap me 69 emigrantë shqiptarë në bord.

Anija, e cila kishte 20 jelekë shpëtimi dhe në bord 72 persona, u shoqërua në portin ndërkombëtar të Harëich dhe anëtarët e ekuipazhit u arrestuan nga Agjencia Kombëtare e Krimit me dyshimin për kalimin e paligjshëm të emigrantëve. Hetuesit sekuestruan një laptop nga anija që u mundësoi atyre të identifikonin bandën me bazë në Mbretërinë e Bashkuar që kishte planifikuar gjithçka.

69 emigrantët iu dorëzuan Forcave të Emigracionit. Pesë burra u dënuan. Mes tyre ishte 35-vjeçari Arturas Jusas, nga Lambeth, që pranoi veprën penale i cili sëbashku me katër të tjerë u shpallën fajtorë pas një gjyqi të gjatë. Jusas, së bashku me 39-vjeçarin Kfir Ivgi, nga Finchley, dhe Sergejs Kuliss, 32-vjeç nga Neëham, u përshkruan nga prokurorët si ‘organizatorë me bazë në Mbretërinë e Bashkuar’.

Jusas u burgos për nëntë vjet e nëntë muaj, Ivgi për 10 vjet dhe Kuliss për 9 vjet. letonez Aleksandrs Gulpe, 44 vjeç, dhe shtetasi ukrainas 57-vjeçar, Igor Kosyi, të dy të përshkruar nga prokurorët si anëtarë të ekuipazhit, u arrestuan kur anija arriti në tokë në orët e para të 18 nëntorit.

Marrë nga Dailymail.co.uk

(E.H/Dosja.al)

Cila mendoni se është alternativa më e mirë:

View Results

bota bota angli emigrante ilegale ne angli shqiptare ne angli angli emigrante ilegale ne angli shqiptare ne angli