Art&Argëtim

Naomi Campbell dhe organizata e saj bamirëse akuzohen për evazion fiskal

30 Nëntor 2021, 14:40 Nga DOSJA

Naomi Campbell dhe organizata e saj bamirëse akuzohen për evazion

SHBA – Shqetësime të mëdha janë ngritur rreth bamirësisë së modeles Naomi Campbell , pasi thuhet se modelja me famë botërore ka bërë disa shkelje ku akuzat më të forta janë për evazion fiskal.

Sipas Guardian , Komiteti i Bamirësisë aktualisht është duke hetuar të gjitha të dhënat financiare dhe lëvizjet e Fondacionit “Fashion for Relief” , i cili menaxhohet nga Naomi Campbell me Bianca Helmich dhe Veronica Sylvia ëing ëai. Pas një auditimi zyrtar doli se raporti financiar vjetor nuk i ishte dorëzuar shtetit. Sipas publikimit, modelja dhe bashkëpunëtorët e tyre me siguri nuk kanë bërë gjithçka në mënyrë të ligjshme dhe akuzohen për evazion fiskal.

Edhe pse fondacioni funksionon që nga viti 2005 për të mbledhur para për fëmijët që jetojnë në varfëri dhe diskriminim, rezulton se ndoshta në fund nuk e mban premtimin.

“Ne duam të hetojmë nëse administratorët e institucionit kanë ushtruar siç duhet detyrat dhe përgjegjësitë e tyre ligjore sipas legjislacionit të bamirësisë. Sipas regjistrit elektronik të bamirësisë, llogaritë e fondacionit për vitin 2020 janë vonuar me më shumë se 178 ditë”, thuhet nga Komisioni i Bamirësisë.

Sipas llogarive të fondacionit, rreth 1,722,000 paund u mblodhën për vitin 2020, nga të cilat vetëm 5,515 u dhuruan për bamirësi. Pjesa tjetër e parave u përdor për të organizuar një ngjarje bamirësie dhe për të paguar për marrëdhëniet me publikun.

(m.k/dosja.al)

Cila mendoni se është alternativa më e mirë:

View Results

showbiz showbiz evazion fiskal modelja akuzohet per evazion fiskal naomi campbell evazion fiskal modelja akuzohet per evazion fiskal naomi campbell