Politike

VD-I REVOLTUAR! Braçe: Mua me Taçin na ndan një oqean,ka njerëz që paguhen për akuza

16 Nëntor 2021, 10:52 Nga DOSJA
VD-I REVOLTUAR! Braçe: Mua me Taçin na ndan një oqean,ka

TIRANË– Deputeti socialist, Erion Braçe ka mohuar të ketë lidhje me biznesmenin e shpallur në kërkim për pastrim parash, Rezart Taçin. Ai mohoi akuzat që u ngritën ditën e sotme nga deputeti demokrat, Ervin Salianji, se Braçe ka dalë në përgjimet e antimafias italiane për Taçin. Braçe tha se nuk ka pasur kurrë komunikim me biznesmenin, duke shtuar se përgjimet kanë dalë ka pasur datën 18 tetor 2021, e se në atë periudhë ai nuk ka qënë zv.kryeministër.

“Kam më shumë se 1 orë që diskutohet për etikë. Por etika në këtë sallë mori fund ditën kur i gjithë mllefi, urrejtja, u derdh mbi një fletë votimi që ishte emri i një gruaje. Rikthejeni ato pamje dhe do shihni se si mori fund etika që atë ditë. Unë erdha për të folur për buxhetin, kam folur vetëm për buxhetin. Kisha një qëllim për të folur për bujqit, siç e mendoj e ndjej unë. Se sa i shqetësuar jam unë për bujqit, këtë se gjykon asnjeri në këtë sallë. Unë thashë atë që mendoj në lirinë time të plotë. Në këtë sallë, ka shpifës të dënuar nga gjykata. Madje jo shpifës së dënuar, por komplotues në kurriz të nderit, dinjitetit të njerëzve që janë në këtë sallë. E përsëritur, e përsëritur, natyrisht që ka një durim. Dokumenti i përgjimit të Rezart Taçit mban datën 18 tetor, 2021. Atë dokument e zotëroj të plotë. Në 18 tetor 2021 unë nuk kam qenë zëvendës kryeministër. Që në shtator, roli im ka qenë thjesht i deputetit, që të jemi korrekt e të qartë. E di shumë mirë që në këtë sallë ka njerëz që paguhen për të shpërndarë akuza sa te njëri e te tjetri. Do e provoj që paguhen. Kjo histori me lojëra luftërash banale që ndodhin këtu, përfundojnë te dita e pagesës kesh. O kam denoncuar unë privatësimin e Armos, të gjitha ngjarjet që kanë pasuar transaksionet e Armos, midis të cilave dhe ngjarje tragjike, nuk ka fol njeri në këtë sallë. Jo vetëm kam folur dhe kam kallëzuar në Prokurori. Një prokuror që nuk është më, e mori dhe e fshiu dosjen. Aty e keni Armon varr të hapur të një korrupsioni politik, që nisi në atë parti dhe vijon të mbesë varr i hapur në atë parti. Mes meje dhe Taçit na ndan një oqean i madh. Unë me të s’kam folur kurrë. Unë nuk kam shkelur kurrë në televizionin e tij”, tha Braçe.

LAJMI KRYESOR: LIVE- Seancë maratonë! Mblidhet sërish Kuvendi i Shqipërisë, diskutimet për buxhetin

(a.b)/dosja.al

Cila mendoni se është alternativa më e mirë:

View Results

politike politike erion brace seance plenare 16 nentor 2020 erion brace seance plenare 16 nentor 2020

Sondazh

Poll

MË SHUMË