Bota

Tërmeti shkund sërish Greqinë, lëkundjet prej 6,1 rihter ndjehen dhe në Egjipt

19 Tetor 2021, 08:56 Nga DOSJA

Tërmeti shkund sërish Greqinë, lëkundjet prej 6,1 rihter

GREQI– Një tëmet i fortë me magnitudë 6.1 të shkallës Rihter ndodhi herët në mëngjes pranë Karpathos në Greqi.

Sipas mediave greke, Instituti Gjeodinamik tha se epiqendra ishte e vendosur 156 kilometra në juglindje të Karpathos dhe thellësia fokale ishte 66.3 kilometra.

Tërmeti u ndje në Kretë dhe Dodekanez, por dridhja sizmike u ndje më intensivisht në ishujt Kasos dhe Karpathos. Siç vuri në dukje kryetari i bashkisë së Kasos, Michalis Erotokritos, dridhjet sizmike u ndjenë në ishull, por nuk ishin veçanërisht të forta dhe nuk shkaktuan shqetësim për banorët e ishullit, as nuk është raportuar për ndonjë dëm tek ndërtesat dhe infrastrukturat në zonë.

Në të njëjtën kohë, mediat e huaja raportuan se tërmeti u ndje edhe në Egjipt dhe Izrael. Aleksandria në bregdetin Mesdhe dhe Assiut në Egjiptin e Sipërm janë ndër qytetet, banorët e të cilëve thonë se shtëpitë dhe ndërtesat e tyre u tronditën nga tërmeti.

Profesori, Efthymios Lekkas vuri në dukje se ky është një tërmet që konfirmon ngacmimin më të gjerë në zonë, diçka që mund të japë fakte, por në det.

“Për shkak se është një tërmet i thellë, e bën më të lehtë ta ndiejmë atë në një zonë më të gjerë dhe nuk priten cunami ose tronditje të forta,” shtoi ai.

Sizmologu, Akis Tselentis gjithashtu u shfaq qetësues në deklaratat e tij për ANT1 dhe emisionin “Mirëmëngjes Greqi” në lidhje me tërmetin e fortë që ndodhi në Karpathos pak pas orës 8:30 të mëngjesit.

“Nuk ka asnjë arsye për shqetësim,”- tha ai.

(d.a/dosja.al)

Cila mendoni se është alternativa më e mirë:

View Results

rajoni rajoni efthymios lekkas michalis erotokritos termet ne greqi efthymios lekkas michalis erotokritos termet ne greqi