Aktualitet

Kultivuan bimë narkotike, arrestohen babë e bir në Vorë! Nën hetim penal kryeplaku i zonës dhe inspektori i pyjeve

3 Shtator 2021, 11:42 Nga DOSJA
Kultivuan bimë narkotike, arrestohen babë e bir në Vorë!

TIRANË- Babë e bir, E.M., dhe H.M. janë arrestuar nga Policia e Tiranës pasi dyshohet se kanë kultivuar bimë narkotike, në tokën e tyre në vendin e quajtur “Gurët e zinj”.
Gjithashtu, u proceduan në gjendje të lirë shtetasit B. K., 33 vjeç, me detyrë inspektori i pyjeve dhe A. G., 51 vjeç, ( kryeplaku i fshatit), të dy akuzohen për veprën penale “Shpërdorimi i detyrës”.

NJOFTIMI I PLOTË:

Tiranë

Vorë/Goditet një rast i tentativës për kultivim të bimëve narkotike, arrestohen në flagrancë dy shtetas (babë e bir) dhe procedohen penalisht kryeplaku i zonës dhe inspektori i pyjeve..

Vihen në pranga edhe 7 shtetas të tjerë, për vepra të ndryshme penale. Në vijim të punës për parandalimin, evidentimin dhe goditjen e veprimtarisë kriminale në fushën e kultivimit të bimëve narkotike, shërbimet e Komisariatit të Policisë Vorë, si rezultat i kontrollit në territor kanë evidentuar dhe goditur një rast të tentativës për kultivim të kanabisit në vendin e quajtur “Gurët e zinj” Vorë.

Në vijim të veprimeve, specialistët për Hetimin e Krimeve në Komisariatin e Policisë Vorë, arrestuan në flagrancë shtetasit E. M., 32 vjeç dhe H. M., (babë e bir) pasi gjatë kontrollit të ushtruar në tokën e tyre, shërbimet e Policisë kanë gjetur të kultivuar fidanë të dyshuar cannabis sativa. Gjithashtu, u proceduan në gjendje të lirë shtetasit B. K., 33 vjeç, me detyrë inspektori i pyjeve dhe A. G., 51 vjeç, ( kryeplaku i fshatit) të dy për veprën penale “Shpërdorimi i detyrës”.
—

Forcat e Posaçme “Shqiponjat” në bashkëpunim me Seksionin për Hetimin e Narkotikëve bënë arrestimin në flagrancë të shtetasit M. S., 25 vjeç, pasi gjatë kontrollit fizik të ushtruar ndaj tij, iu gjet dhe iu sekuestrua një sasi me lëndë narkotike kokainë.

Sherbimet e Qarkullimit Rrugor në bashkëpunim me specialistët për Hetimin e Krimit në Komisariatin e Policisë Nr. 1 bënë kapjen dhe arrestimin në flagrancë të shtetasve D. P., 30 vjeç dhe L. Sh., 48 vjeç, pasi janë kapur në flagrancë, duke vjedhur skuterin elektrik në pronësi të shtetasit A. I.

Nga specialistët për Hetimin e Krimit në Komisariatin e Policisë Nr. 4 u bë arrestimi në flagrancë i shtetasit E. Ç., 30 vjeç, pasi ka ushtruar dhunë fizike dhe psikologjike ndaj bashkëshortes së tij.

Specialistët për Hetimin e Krimit në Komisariatin e Policisë Nr. 6 bënë arrestimin në flagrancë të shtetases U. A., 33 vjeçe, pasi për motive të dobëta, ka goditur me një mjet prerës (thikë), ish-njerkun e saj, të cilit iu plotësua kërkesë-padia për lëshimin e urdhërit të mbrojtjes së menjëhershme.

Nga specialistët e Qarkullimit Rrugor u bë arrestimi në flagrancë i shtetasve: D. K., 20 vjeç, pasi u kap duke drejtuar mjetin pa lejen përkatëse; G. M., 24 vjeçe, pasi u kap duke drejtuar mjetin në gjendje të dehur në masën 1.04 mg/l. Materialet i kaluan Prokurorisë së Rrethit Gjyqësor Tiranë, për veprime të mëtejshme.

(k.m/dosja.al)

Iftar dhe politikë, a u prek Muaji i Ramazanit nga politikanët?

View Results

aktualitet aktualitet policia e tiranes tirane policia e tiranes tirane

Sondazh

Poll

Aktualitet 3 Shtator 2021, 10:41

Një nënë e re doli për xhiro me shoqen e ngushtë për ta nxjerrë foshnjën për ajër të pastër. Edhe një çift po ashtu doli për xhiro me qenin. Të dyja palë...

MË SHUMË