Aktualitet

Akulloret me oksid etileni, sqarohet kompania ‘Mars’: Produktet janë tërhequr që më datë 5 gusht, ne përdorim vetëm n

16 Gusht 2021, 21:32 Nga DOSJA
Akulloret me oksid etileni, sqarohet kompania ‘Mars’: Produktet

TIRANË– Kompania MARS e cila prodhon akulloret dhe çokollatat e markave Bounty, Twix, M &M dhe Snickers ka reaguar pak ditë pasi BE urdhëroi heqjen nga tregu të disa prodhimeve të kësaj kompanie për shkak të gjetjes së  oksidi i etilenit në këto produkte.

Në një njoftim për mediat, Mars sqaron se kjo kompani ka tërhequr që në datën 5 gusht të gjitha produktet e listuata të rrezikshme nga BE-ja, edhe pse theksojnë se ata përdorin vetëm një sasi të vogël të këtij përbërësi të rrezikshëm, oksidi i etilenit. Në njoftim sqarohet se për këtë gjë janë njoftuar edhe konsumatorët.

SQARIMI I PLOTË:

Disa media kanë publikuar informacione të pasakta në lidhje me tërheqjen nga tregu të akulloreve të markës Mars Wrigley, informacion ky që krijon konfuzion dhe shqetësim te konsumatorët. Si një kompani e përgjegjshme, Mars Wrigley dëshiron të qartësojë dhe shpjegojë këtë situatë. Së pari, duam të theksojmë se konsumi i akulloreve të markës Mars Wrigley nuk është i dëmshëm. Së dyti, akulloret e markës Mars Wrigley që preken janë vetëm ato të listuara në tabelën më poshtë. Asnjë prej markave, produkteve, kodeve të serive, ose datave të skadencës të tjera të Mars Wrigley nuk janë prekur. Çokollatat e markës Mars Wrigley nuk janë prekur. Gjithashtu, duhet te theksojmë se akullorja e markës M & Ms nuk shitet fare në tregun shqiptar. Së treti, Mars Wrigley ka tërhequr akulloret e prekura të markës Mars Wrigley në tregun shqiptar më 5 gusht 2021 dhe ato nuk janë në raftet e marketeve. Shpërndarësit tanë kanë qenë dhe janë duke bashkëpunuar me autoritetet përkatëse të sigurisë ushqimore dhe klientët tanë me pakicë për të siguruar që konsumatorët të jenë në dijeni të tërheqjes nga tregu. Konsumatorët janë informuan për tërheqjen e akulloreve nga tregu përmes njoftimeve të vendosura në dyqane. Kjo tërheqje është iniciuar duke synuar interesin më të lartë të konsumatorëve tanë. Tërheqja nga tregu u bë për shkak të pranisë së oksidit të etilenit në një përbërës të prodhuar nga një prej furnizuesve tanë, në nivele që janë më të larta se sa lejohen nga ligji i BE-së. Kjo është një çështje që prek Mars Wrigley, si dhe prodhuesit e tjerë. Edhe pse niveli i ETO (oksidit të etilenit) në përbërësin e prekur është mbi kufijtë ligjorë për përbërësin në Evropë, ne përdorim vetëm një sasi të vogël të këtij përbërësi në akulloret që prodhojmë. Si pasojë, niveli i ETO (oksidit të etilenit) në akulloret tona është minimal dhe shumë poshtë kufijve ligjorë në Evropë për përbërësin. Konsumimi i produkteve nuk është i dëmshëm. Kjo tërheqje nga tregu aplikohet VETËM tek produktet dhe seritë e mëposhtme: Asnjë prej markave, produkteve, kodeve të serive, ose datave të skadencës të tjera të Mars Wrigley nuk janë prekur.

Pak ditë më parë, u dha alarmi për një sasi prej 36 ton akullore kancerogjene, të cilat deri vonë tregtoheshin edhe në Shqipëri. Në këto produkte u konstatua prania e oksid etilenit më e lartë se norma e lejuar. Oksidi i etilenit është një përbërës i dëmshëm në këto produkte.

(f.m/dosja.al)

Iftar dhe politikë, a u prek Muaji i Ramazanit nga politikanët?

View Results

aktualitet aktualitet akulloret snikers akulloret snikers

Sondazh

Poll

MË SHUMË