Bota

Pas Afganistanit trupat amerikane tërhiqen nga një tjetër vend, Biden njoftoi se në fund të vitit do të largohen nga Iraku

26 Korrik 2021, 20:51 Nga DOSJA
Pas Afganistanit trupat amerikane tërhiqen nga një tjetër vend,

IRAK– Presidenti i SHBA-ve, Joe Biden ka thënë që forcat luftarake amerikane do të largohen nga Iraku deri në fund të këtij viti, megjithëse trupat do të vazhdojnë të stërvitin dhe këshillojnë ushtrinë irakene.

Njoftimi erdhi pasi Biden zhvilloi bisedime me kryeministrin irakian, Mustafa al-Kadhimi në Shtëpinë e Bardhë. Aktualisht janë 2,500 trupa amerikane në Irak duke ndihmuar forcat lokale të kundërshtojnë ato që kanë mbetur nga grupi i Shtetit Islamik.

Sipas BBC, numrat e trupave amerikane ka të ngjarë të qëndrojnë të njëjtë por lëvizja po shihet si një përpjekje për të ndihmuar kryeministrin irakian. Prania e SHBA-së në Irak është bërë një çështje kryesore që kur gjenerali i lartë iranian, Qasem Soleimani dhe udhëheqësi i një milicie myslimane shiite të mbështetur nga Irani u vranë në një sulm me dron amerikan në kryeqytetin Bagdad vitin e kaluar.

Për presidentin e SHBA, njoftimi shënon fundin e një lufte tjetër që u nis nga ish-Presidenti, George W Bush. Këtë vit ai tha se trupat amerikane do të largohen nga Afganistani.

Forcat e drejtuara nga SHBA pushtuan Irakun në 2003 për të përmbysur Presidentin Saddam Hussein dhe për të eleminuar armët e shkatërrimit në masë që doli se nuk ekzistonin. Trupat luftarake amerikane përfundimisht u tërhoqën në 2011. Sidoqoftë, ata u kthyen me kërkesë të qeverisë Irakene tre vjet më vonë, kur militantët e IS pushtuan pjesë të mëdha të vendit.

(d.a/dosja.al)

Iftar dhe politikë, a u prek Muaji i Ramazanit nga politikanët?

View Results

bota bota joe biden mustafa al-kadhimi ushtria amerikane terhqiet nga iraku joe biden mustafa al-kadhimi ushtria amerikane terhqiet nga iraku

Sondazh

Poll

MË SHUMË