Politike

Ofroi dorëheqjen dhe shtyrjen e zgjedhjeve, Rama ndryshon qëndrim për Metën: Korrekt

30 Maj 2019, 20:25 Nga DOSJA
Ofroi dorëheqjen dhe shtyrjen e zgjedhjeve, Rama ndryshon qëndrim

TIRANË- Kryeministri Edi Rama e ka konsideruar korrekt dhe brenda kornizës kushtetuese reagimin e presidentit të Republikës, Ilir Meta, sa i përket përpjekjes për të ndihmuar në zgjidhjen e krizës politike në të cilën ndodhet vendi.

“Është brenda kornizës kushtetuese, mendoj se ka qenë korrekt”, tha Rama për Metën në emisionin ‘Open’ në Top Channel, duke shmangur në këtë mënyrë një tension të rri në marrëdhëniet Qeveri-Presidencë.

Në lidhje me rrezikun e përsëritjes së konfliktit të vitit 1997, për të cilën ka paralajmëruar edhe presidenti, Rama tha: “Mendoj se e ka bërë për t’i dhënë më shumë peshë shqetësimit, por nuk besoj se ka lidhje me ‘97.”

Rama komentoi edhe gatishmërinë e presidentit për të shtyrë datën e zgjedhjeve lokale, duke theksuar se nuk lëviz nga 30 qershori.

“Ne nuk kemi asnjë tundim për të vënë në dyshim datën e zgjedhjeve. Datën nuk e kemi caktuar ne, por e kemi ditur kur e ka përcaktuar presidenti. Kemi menduar për zgjedhjet, kemi punuar për zgjedhjet dhe jemi gati të shkojmë përpara atyre që janë pronarë të zgjedhjeve (qytetarëve)”, u shpreh Rama.

Presidenti Meta ka ofruar dorëheqjen nga posti më i lartë i shtetit, nëse kjo do të ndihmonte në zgjidhjen e krizës, si dhe do ishte i gatshëm të shtynte zgjedhjet lokale nëse arrihej një marrëveshje midis partive politike.

Marrë nga Top Channel

Tirana është boshatisur për ditët e pushimit. Cilën nga ritet e shenjta po ndiqni:

View Results

politike politike edi rama ilir meta kriza politike zgjedhje pa opoziten zgjedhjet lokale 30 qershor 2019 edi rama ilir meta kriza politike zgjedhje pa opoziten zgjedhjet lokale 30 qershor 2019

Sondazh

Poll

MË SHUMË