VLORË– Detaje nga ekzekutimi i 35-vjeçarit Shkëlzen Velaj në Vlorë janë bërë të ditura. Mësohet se viktima ka qënë duke hyrë për në shtëpi, kur ka vënë re se pranë pallatit ka qenë duke u ndjekur nga një makinë e dyshimtë. Ai e ka lënë makinën e tij ndezur dhe ka ikur me vrap për t’u futur në banesë, në katin e 5 të pallatit.
Mirëpo në momentin kur u afrua pranë derës, atentatori ka lëshuar breshëri plumbash, në një distancë të afërt, në drejtim të tij. Në trupin e Velaj është lëshuar një karikator automatiku, që i kanë kushtuar jetën 35-vjecarit.
Autorët pas atentatit janë larguar në drejtim të rrugës së lumit të Vlorës, në afërsi të fshatit Risili pranë “Bay passit” ku kanë braktisur makinën tip BMW pa targa dhe e kanë djegur ndërsa janë larguar në drejtim të paditur.
Mendohet se autor të ngjarjes janë më shumë se dy persona. Menjëherë pas ekzekutimit të tij, u gjet një mjet i braktisur i cili ishte duke u shkrumbuar. Policia dyshon se mjeti mund të jetë i autorëve që kryen krimin ndaj 35-vjeçarit.Gjatë kontrollit në makinën tip ‘BMW’, është gjetur një armë kallashnikov që dyshohet të jetë arma e krimit.
Deri më tani bëhet me dije se janë shoqëruar 4 persona, roli i të cilëve ende nuk dihet. Ndërkohë që pika kontrolli janë ngritur në Vlorë, Orikum, autostradën Vlorë-Fier, madje edhe në Elbasan për të kontrolluar çdo person të dyshimtë që mund të çojë në prangosjen e autorëve.
Kush ishte Shkëlzen Velaj?
Shkëlzen Velaj, 35-vjeçari që u vra mbrëmjen e djeshme, ishtë vëllai i Ardi Velajt, i cili mbeti i vrarë bashkë me dy të tjerë, Akil Hasanaj dhe Albi Limaj, në ngjarjen e rëndë të vitit 2015, e cila ka marrë dhe emrin “Masakra e Çoles”. Gjithçka nisi mbrëmjen e 6 prillit të vitit 2015, për një kazino në qendër të qytetit bregdetar të Vlorës.
Fillmisht në sherr u përfshinë Akil Hasanaj dhe Ardi Velaj, të cilët kanë ofenduar dhe dhunuar Xhuliano Lutajn. Ky i fundit ka kërkuar ndihmë dhe ka vënë në dijeni shokun e tij, Albi Limaj.
Limaj lajmëroi Aleksandër Llanaj dhe të rinjtë e lanë që të nesërmen të për tu sqaruar, në një lokal në lagje “Çole”. Në kohën kur janë takuar të rinjtë kanë nxjerrë armën duke qëlluar në drejtim të njëri-tjetrit. Si pasojë e plumbave mbetën vrarë tre persona, Ardi Velaj, Akil Hasanaj dhe Albi Limaj.
Në pranga u vunë Aleksandër Llanaj, Bertil Aliaj dhe Ani Begaj. Llanaj ndodhet pas hekurave bashkë me dy të tjerët. Ai është dënuar me burgim të përjetshëm, ndërsa Aliaj dhe Begaj kanë marrë nga 35 vite burg secili. Të jetë vrasja e Shkëlzen Velajt, pjesë e këtij zinxhiri? Kjo është pista krysore që grupi hetimor ka mbi tavolinë, që mund të shënojë dhe rikthimin e bandës së Llanajve në skenë.
(a.b)/dosja.al
Iftar dhe politikë, a u prek Muaji i Ramazanit nga politikanët?
TIRANË– Rreth 34 mijë maturantë do t’i nënshtrohen ditën e sotme provimit të parë të Maturës Shtetërore, atë të Gjuhës së huaj. Provimi nis në orën 10:00 d...
VLORË– Shkëlzen Velaj, 35-vjeçari që u vra mbrëmjen e sotme, ishtë vëllai i Ardi Velajt, i cili mbeti i vrarë bashkë me dy të tjerë, Akil Hasanaj dh...
VLORË– Atentatorët e Shkëlzen Velajt kaë djegur automjetin pak minuta pasi kanë kryer krimin. Dosja.al ju sjell pamjet nga rruga e lumit të Vlorës, ku shih...
VLORË– Dosja.al ka siguruar pamjet nga vendi ku u vra Shkëlzen Velaj, ngjarje e ndodhur mbrëmjen e sotme. Në videon e mëposhtme, shihet se si trupi i Velaj...
TIRANË– Mbrëmjen e 21 Majit në mes të Vlorës u vra Delon Troqe, i cili u ekzekutua me kallashnikov nga një makinë në lëvizje. Sot në media dolën pamj...
SHKODËR- Disa të rinj kanë bërë drift ditën e djeshme në një nga rreth-rrotullimet në qytetin e Shkodrës.Në një video të publikuar nga JOQ, shihet një maki...
TIRANË- Gazetari i Top Channel, Arben Manaj ka rrëfyer se 90% e rasteve të arrestimeve të shqiptarëve në Britani bëhen sepse kapen duke kultivuar kanabis n...
TIRANË– Kryeprokurorja e Tiranës Elisabeta Imeraj ka folur për dosjen e hapur për biznesmenin Francesco Beccheti në Shqipëri. E ftuar në “Opini...
TIRANË- Ferdinand Dervishi foli sot në Open për plagosjen e të “fortit” të Vlorës Edison Begaj.38 vjeçari sapo parkoi makinën pranë derës së banesës...
TIRANË- Vrasjet që kanë ndodhur ditët e fundit kanë tronditur vendin tonë pasi janë kryer edhe para syve të fëmijëve, dëshmitarëve edhe kamerave të siguris...