Ngjarjet e fundit makabre të krimeve ndaj grave, nënave, bashkëshorteve kanë tronditur mbarë opinionin publikë. I tillë ishte krimi që ndodhi në Elbasan vetëm pak metra larg gjykatës, ku Koço Buzo ekzekutoi me breshëri plumbash bashkëshorten e tij, Liljana Buzo. Krimi ndodhi në sy të djalit të çiftit, ku ai së bashku me nënën kishin dalë nga seanca gjyqësore e divorcit.
Të shtëna armësh, përleshje dhe klithma që tronditën gjithë Elbasanin. I menjëhershëm ka qenë reagimi i një ish-oficeri policie, i cili pa asnjë hezitim i është drejtuar vendit, ku po ndodhte ngjarja, dhe menjëherë ka neutralizuar kalimtarët dhe një polic, të cilit po i rrezikohej jeta. Një akt heroik i kohëve të sotme, më shumë sesa një bamirësi apo vepër modestie, është parandalimi i një tragjedie, që do të kishte përmasa të një krimi me shumë viktima.
Ai quhet Osman Jazo, baba i 3-fëmijëve, ish-oficer policie, avokat në profesion, dhe është heroi i neutralizimit të përshkallëzimit të një ngjarjeje me shumë viktima dhe të armës së autorit të krimit. Ditën e sotme ai rrëfeu detajet e krimit, në studion e emisionit me “Zemër të Hapur” të gazetares Evis Ahmeti, në News24.
Osman Jazo, dëshmitar në ngjarje: Unë aty gati 150 m kam zyrën time të avokatisë, ku punoj me një koleg timin. Unë pashë se po ndodhte një konflikt mes 3 personave dhe të shtrirë në tokë një person. Vrapova menjëherë në vendngjarje, pashë që dy çuna të rinj po përlesheshin me një burrë, kur e pashë, e njoha se kush ishte. Aty ishte një polic, i cili pashë se ishte rrëzuar në tokë, e mora dhe e largova diku më larg, kur u afrova përsëri në ngjarje, pashë që i kishte rënë arma në tokë. E mora armën, por nuk e mbusha me fishekë në gryk, pasi vetë profesioni im si ish-oficer dija mirë ta përdorja. Në pjesën e parë të ngjarjes unë nuk konstatova, ndërsa pjesa e dytë ishte përsëri e rëndë, pasi unë po shikoja që fëmijët po thërrisnin “O Ma, o Ma”. Unë kam bërë neutralizimin e armës së autorit, pasi nëse nuk do bëhej, mund të ndodhte gjithçka. Njëri nga djemtë kishte kapur automatikun e të atit dhe po kacafyten, unë menjëherë jam afruar dhe i kam hequr armën edhe Kocos, edhe djalit, madje thikën ai e hodhi disa metra më tutje.
Unë autorin e vrasjes kam vite që e njoh, kemi punuar të dy në polici, kam qenë drejtues, Koço ka qenë në rolin e policit bazë. Unë nuk e kam ditur dhe njohur si njeri problematik, kishte ardhur para një muaji për problemin me të ndjerën, por situata nuk ishte kaq e rënduar, madje ai ka punuar si roje sigurie te gjykata. Unë jam shokuar, sepse nuk ma kishte dhënë këtë përshtypje si njeri problematik. Ky veprim është më shumë sesa i rëndë, por derisa unë nuk e kam njohur familjen e tij nuk mund të jap dot mendim. Sigurisht që veprimi i tij është i paprecedent, ky është veprim jashtë çdo norme. Unë kontaktet me autorin nuk i kam pasur të shpeshta, por kontakti i fundit ka qenë para një muaji, ai dukej i shqetësuar por që nuk e dija se ishin kështu rrethanat. Ka kohë që është larguar nga detyra, ai ishte polic bazë siç e thashë, por mund të them se po të ishte kaq problematik duhet të ishin marrë masat.
Marrë nga BalkanWeb
Iftar dhe politikë, a u prek Muaji i Ramazanit nga politikanët?
BERAT– Një aksident i rëndë është regjistruar në aksin nacional Berat-Urë Vajgurore, në fshatin Orizaj.Mjeti tip Benz,me targa AA 987 YJ, duke dalë nga një serv...
GREQI– Kryeministri grek, Kyriakos Mitsotakis do të takohet me Presidentin turk, Recep Tajip Erdogan më 14 qershor, në Bruksel, gjatë konferencës së NATO-s.Lajm...
TIRANË– Zv/drejtori i Përgjithshëm i Policisë së Shtetit, Albert Dervishaj ka njoftuar procedurat që duhet të ndiqen për të shfuqizuar ndëshkimet e marra g...
GREQI– Një shqiptar 38-vjeçar në Greqi ka rënë në prangat e policisë pasi është kapur teksa tranpostonte drogë nga Selaniku drejt Greqisë.Sipas njoftimit...
TIRANË– Një aksident ka ndodhur në zonën e Don Boskos në Tiranë, ku një makinë ka përplasur një motor. Ngjarja ka ndodhur rreth orës 12:20, ndërsa Po...
FIER– Ditën e sotme banorët e Fierit kanë dalë në protestë përsa i përket punimve që po kryhen nga një kompani për nxjerrjen e naftës. Sipas tyre, kërkimet për ...
SHBA– Destini Crane është vajza 13-vjeçare nga Portland, Oregon që i vuri flakën vetes e pësoi djegie serioze në qafë dhe krahun e djathtë, gjatë n...
DURRËS– Gjykata e Durrësit i ka caktuar masën e sigurisë ‘detyrim paraqitje’ Bexhet Zijani, i cili ishte përgjegjës teknik i fabrikës së tullav...
TIRANË– Policia e Shtetit ka prangosur 7 persona, të akuzuar për vepra të ndryshme penale, nga armëmbajtja pa leje deri tek drejtimi i mjetit në gjen...