Editorial

Çfarë është e imja është e imja, madje edhe çfarë është juaja është edhe e imja

12 Maj 2021, 12:47 Nga DOSJA

Çfarë është e imja është e imja, madje edhe

IZRAEL– Po ndodh edhe një herë, kësaj here në Sheik Jarrah. Palestinezët që u larguan ose u dëbuan nga shtëpitë e tyre në Jeruzalemin Perëndimor janë planifikuar të dëbohen nga shtëpitë e tyre në Jeruzalemin Lindor gjithashtu. Pse? Sepse shtëpitë në të cilat ata kanë banuar ligjërisht për 160 vjet ose më shumë janë ndërtuar në tokë që dikur ishte në pronësi të hebrenjve.

Përballë është thjesht një mosmarrëveshje mbi pasuritë e paluajtshme. Por në të vërtetë, është një ngjarje që mbart pasoja shumë më të gjera. Ky është edhe një rast tjetër i egër i shkallës së diskriminimit dhe shtypjes izraelite ndaj palestinezëve. Palestinezët që u larguan ose u dëbuan nga Jeruzalemi nuk kanë probleme me pasurinë pasi thuajse gjysma e qytetit është e ndërtuar në tokat e tyre.

Por cili është problemi?

Hebrenjtë mund të rimarrin tokat në Lindje të Jeruzalemit dhe palestinezët do të duan të marrin tokat e tyre në perëndim. Por këtu është momenti kur mashtrimi zionist del në skenë. Vetëm hebrenjtë mund të kërkojnë në gjykatë pronat e tyre. Palestinezët nuk e kanë këtë të drejtë. Ky është varianti unik i drejtësisë që aplikohet këtu. Ajo që është imja është e imja, por edhe ajo që është e juaja është e imja gjithashtu.

Në Mishna (një libër i shenjtë hebraik), thuhet qartë se kush sillet kështu, quhet një njeri i keq. Ndërkohë që në shtetin hebre, kush sillet kështu quhet një “zionist fetar”.

Kjo padrejtësi e vazhdueshme mund të dëshmohet qartë me ligjin dashakeq të miratuar 2 vite më parë në Izrael për të drejtën e pronësisë që quhet “Ligji i Pronave që mungojnë”. Në fakt, ligji duhet të quhej “Ligji që autorizon vjedhjen e pronës palestineze. Izraeli e përdori këtë ligj për të vjedhur gati të gjitha pronat private, publike, afariste dhe bujqësore palestineze.

Ky ligj nuk bën asnjë përpjekje për të qenë i drejtë ose i dhembshur. Nuk ka asnjë ndihmë ose mirësi. Asgjë. Vetëm një vulë ligjore për të miratuar këto akte të ndyra.

Vendimi pritet të merret përpara Gjykatës së Lartë. Me sa duket, shumë vende të tjera, si Polonia, Rusia, Ukraina, Egjipti, Iraku, Maroku dhe të tjerët do të ndjekin vendimin me interes – me pak fjalë, të gjitha vendet që vodhën pronat e hebrenjve të vrarë.

Nëse gjykata konfirmon të drejtën e Izraelit për këtë ligj, ata me siguri do të ngrenë një dolli për të festuar lehtësimin. “Ne thjesht po bëjmë atë që ju po bëni”, ata do t’u thonë me buzëqeshje përfaqësuesve nga organizatat që kërkojnë të rimarrin pronën e humbur hebraike. “Çfarë është në rregull për ju, është në rregull edhe për ne – nuk është kështu? Kështu që ju nuk do të merrni një cent nga ne. Dilni nga ketu!”

Dhe në një kohë kur Gjykata Penale Ndërkombëtare në Hagë më në fund po tregon interes për veprimet e Izraelit, gjykatës në Izrael mund ti jepet një goditje për shkak të këtij episodi.

Për Izraelin, Gjykata e Lartë shihet si “vaksina” më efektive kundër padive për krime lufte. Nëse gjyqtarët e saj gjykojnë, Haga bëhet e panevojshme.

Por të gjithë duhet të mbajën mend se vetëm qeveria izraelite dhe Donald Trump njohin aneksimin e Jeruzalemit Lindor. Pjesa tjetër e botës e shikon atë si territor të okupuar për të cilin zbatohen të gjitha ligjet ndërkombëtare të luftës. Përfshirë ndalimin e largimit të personave të “mbrojtur” nën okupimin e vendbanimeve të tyre, dëmtimin e pronës së tyre ose mohimin e tyre të të drejtave pronësore të pasurive të tyre të plaçkitura.

Nuk mund të thuhet se sa e kuptueshme do të jetë Gjykata Ndërkombëtare (ICC) për një vendim që miraton një tjetër dëbim të qytetarëve nga shtëpitë e tyre, apo sesa kjo do të dëmtojë imazhin e Gjykatës së Izraelit për të larguar akuzat ndërkombëtare penale.

Përktheu Dosja.al nga Haaretz

Rama është propozuar për president nga disa deputetë socialiste, mendoni se:

View Results

editorial editorial lufta izrael-palestine tensionet izrael-palestine lufta izrael-palestine tensionet izrael-palestine